Thiru review: రివ్యూ: తిరు
Thiru review: ధనుష్ కీలక పాత్రలో నటించిన ‘తిరు’ సినిమా ఎలా ఉందంటే?
Thiru review; చిత్రం: తిరు; నటీనటులు: ధనుష్, నిత్యామేనన్, ప్రియా భవానీ శంకర్, రాశీఖన్నా, ప్రకాశ్రాజ్, భారతీరాజా తదితరులు; సంగీతం: అనిరుధ్ రవిచందర్; సినిమాటోగ్రఫీ: ఓం ప్రకాశ్; ఎడిటింగ్: ప్రసన్న జీకే; నిర్మాత: కళానిధి మారన్; రచన, దర్శకత్వం: మిత్రన్ ఆర్.జవహర్; బ్యానర్: సన్ పిక్చర్స్; విడుదల: 18-08-2022
కరోనా తర్వాత ధనుష్ సినిమాలు ఎక్కువగా ఓటీటీ వేదికల్లోనే విడుదలయ్యాయి. దాదాపు ఏడాదిన్నర తర్వాత ఆయన నటించిన ‘తిరు’ థియేటర్లలో విడుదలైంది. తమిళంలో తెరకెక్కిన ‘తిరు చిత్రాంబళం’కి అనువాదం ఇది. 2019 నుంచే ప్రచారంలో ఉన్న ఈ సినిమా అంచనాల మధ్య ప్రేక్షకుల ముందుకొచ్చింది. మరి చిత్రం ఎలా ఉంది? ధనుష్ పాత్ర ఏంటి?
కథేంటంటే: తిరు ఏకాంబరం అలియాస్ పండు (ధనుష్) ఫుడ్ డెలివరీ బాయ్. చిన్నప్పుడు హుషారైన, తెలివైన కుర్రాడే. కానీ, తన జీవితంలో జరిగిన ఓ సంఘటనతో మధ్యలోనే కాలేజీ మానేస్తాడు. భయస్తుడిలా మారిపోతాడు. తన తండ్రి (ప్రకాష్రాజ్), తాత సీనియర్ పండు (భారతీరాజా)తో కలిసి జీవిస్తుంటాడు. చిన్నప్పట్నుంచీ స్నేహితురాలైన శోభన (నిత్యమేనన్) కుటుంబం కూడా అదే అపార్ట్మెంట్లో కింద పోర్షన్లో ఉంటుంది. ఒకరి గురించి ఒకరికి బాగా తెలిసిన ఆ ఇద్దరి మధ్య దాపరికాలంటూ ఏమీ ఉండవు. అనూష (రాశిఖన్నా), రంజని (ప్రియ భవానీ శంకర్)లపై తిరు మనసు పడ్డాడని తెలుసుకున్న శోభన ఆ విషయంలో సాయం కూడా చేస్తుంది. మరి తిరు చివరికి ఎవరిని ప్రేమించాడు? అతని జీవితంలో చోటు చేసుకున్న సంఘటన ఏమిటనేది మిగతా కథ.
ఎలా ఉందంటే: మధ్య తరగతి యువతరం జీవితాల్ని ప్రతిబింబిస్తూ సాగే ఓ ప్రేమకథ ఇది. ఈ కథ, నేపథ్యం కొత్తదేమీ కాదు. కానీ, దర్శకుడు తెలిసిన ఆ కథనే కొత్తగా, ఆసక్తికరంగా భావోద్వేగాల్ని మేళవిస్తూ తీర్చిదిద్దారు. ప్రథమార్ధం తిరు పాత్ర, కుటుంబ నేపథ్యం ధనుష్ ఇదివరకు చేసిన ‘రఘువరన్ బి.టెక్’ని గుర్తు చేస్తుంది. ఈ కథలో స్నేహం, ప్రేమ వంటి విషయాలు ‘నువ్వే కావాలి’ని కూడా పోలి ఉంటాయి. స్నేహితురాలైన శోభనతో కలిసి చేసే ప్రయాణం... అనూషపై ఆకర్షణ తదితర సన్నివేశాలు ఆసక్తిని రేకెత్తిస్తాయి. పక్కింటి అబ్బాయి, అమ్మాయి జీవితాల్ని చూస్తున్న అనుభూతి కలుగుతుంది. తిరు తన తాత సీనియర్ పండుతో కలిసి చేసే హంగామా నవ్విస్తుంది. కథానాయకుడు తన తల్లి గురించి భావోద్వేగానికి గురయ్యే సన్నివేశాలు ఫ్లాష్ బ్యాక్పై ఎప్పటికప్పుడు ఆసక్తిని రేకెత్తిస్తుంటాయి. ఫ్లాష్బ్యాక్లో ఏముందో అనే ఆత్రుత కలుగుతుంది.
అక్కడ పెద్ద కథేమీ ఉండదు కానీ, అది సినిమాపై చాలా ప్రభావం చూపిస్తుంది. చిన్న చిన్న విషయాలు కూడా జీవితంపై ఎంత ప్రభావం చూపిస్తుంటాయో ఆ సన్నివేశాలతో చెప్పిన తీరు మెప్పిస్తుంది. ద్వితీయార్ధం సినిమాలో భావోద్వేగాలపై మరింత పట్టు ప్రదర్శించాడు దర్శకుడు. అక్కడ తిరు, రంజని ప్రేమకథ కీలకం. పల్లెటూరి నేపథ్యంలో సాగే ఆ సన్నివేశాలు అక్కడక్కడా నవ్విస్తాయి. తిరు, శోభన బంధం నేపథ్యంలో వచ్చే సన్నివేశాలు పతాక సన్నివేశాల్ని ఉత్కంఠగా మార్చేస్తాయి. ఆ సన్నివేశాలు ఒక దశలో ‘తొలిప్రేమ’ని గుర్తు చేస్తాయి. కానీ, దర్శకుడు వాటిని సినిమాటిక్గా కాకుండా, సహజంగా తీర్చిదిద్దారు. ధనుష్లాంటి ఓ పెద్ద స్టార్ ఉన్నప్పటికీ ఎలాంటి హీరోయిక్ సన్నివేశాలు లేకుండా... కొన్ని జీవితాల్ని దగ్గర నుంచి చూసిన అనుభూతిని పంచేలా ఈ సినిమాని తీర్చిదిద్దిన విధానం మెప్పిస్తుంది.
ఎవరెలా చేశారంటే: ధనుష్, నిత్యమేనన్ పాత్రలు సినిమాకి ప్రధానబలం. వాళ్లిద్దరి మధ్య స్నేహం, ఆ నేపథ్యంలో పండే వినోదం, భావోద్వేగాలు సినిమాకి కీలకం. ఎక్కడా నాటకీయతన కనిపించకుండా, ఆ ఇద్దరూ పాత్రల్లో ఒదిగిపోయారు. భావోద్వేగాల విషయంలోనూ ఇద్దరూ పోటీపడినట్టు అనిపిస్తుంది. ప్రకాష్రాజ్ - ధనుష్, భారతీరాజా - ధనుష్ మధ్య సన్నివేశాలు కూడా ఆకట్టుకుంటాయి. తమ అనుభవాన్నంతా రంగరించి ఈ పాత్రల్లో ఒదిగిపోయారు భారతీరాజా, ప్రకాష్రాజ్. రాశిఖన్నా పాత్ర పరిధి తక్కువే. ప్రియ భవానీ శంకర్ పాత్ర కూడా చిన్నదే. సాంకేతికంగా సినిమా ఉన్నతంగా ఉంది. అనిరుధ్ సంగీతం చిత్రానికి ప్రధానబలం. పాటలు, నేపథ్య సంగీతంపై తనదైన ముద్ర వేశారు. నిర్మాణం పలు పరిమితుల మధ్య సాగినట్టు అనిపిస్తుంది. ప్రకాష్రాజ్, నిత్యమేనన్లాంటి నటులకి వేరొకరితో డబ్బింగ్ చెప్పించడంతో ఆ పాత్రల్లో సహజత్వం కోల్పోయినట్టు అనిపిస్తుంది. దర్శకుడు ఒక సాధారణమైన కథని ప్రభావవంతగా తీయడంలో సఫలమయ్యారు. మాటలు బాగున్నాయి.
బలాలు
+ నటీనటులు
+ భావోద్వేగాలు
+ కథలో మలుపులు
బలహీనతలు
- ద్వితీయార్ధంలో కొన్ని సన్నివేశాలు
చివరిగా: భావోద్వేగాలను పంచే పక్కింటి కుర్రాడు... తిరు
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా? -
Yodha Review: రివ్యూ: యోధ.. యాక్షన్ థ్రిల్లర్ మెప్పించిందా?
సిద్ధార్థ్ మల్హోత్రా, రాశీఖన్నా నటించిన యాక్షన్ థ్రిల్లర్ ప్రేక్షకులను అలరించిందా..? -
Razakar Movie Review: రివ్యూ: రజాకార్.. బాబీ సింహా, అనసూయ నటించిన మూవీ ఎలా ఉంది?
Razakar Movie Review: తెలంగాణ సాయుధ పోరాటం నేపథ్యంలో రూపొందిన ‘రజాకార్’ ఎలా ఉందంటే? -
Merry Christmas review: రివ్యూ: మెర్రీ క్రిస్మస్.. విజయ్ సేతుపతి, కత్రినా కైఫ్ నటించిన చిత్రం ఎలా ఉందంటే?
విజయ్ సేతుపతి, కత్రినా కైఫ్ ప్రధాన పాత్రల్లో నటించిన చిత్రం ‘మెర్రీ క్రిస్మస్’. ఓటీటీ ‘నెట్ఫ్లిక్స్’లో స్ట్రీమింగ్ అవుతోంది. ఎలా ఉందంటే? -
Anweshippin Kandethum Review: రివ్యూ: అన్వేషిప్పిన్ కండెతుమ్.. మలయాళ బ్లాక్బస్టర్ ఎలా ఉంది?
Anweshippin Kandethum Review: టొవినో థామస్ కీలకపాత్రలో నటించిన పోలీస్ ప్రొసీడల్ డ్రామా మెప్పించిందా?
తాజా వార్తలు (Latest News)
-
నా భర్తపై రెబల్గా పోటీ చేస్తా.. టెక్కలి వైకాపా అభ్యర్థి దువ్వాడ భార్య వాణి
-
పేదరాలు బుట్టమ్మ ఆస్తులు రూ.161.21 కోట్లు
-
మనిషికి రూ.200.. యువతకు పెట్రోలు కూపన్లు
-
నడుం నొప్పి, కుంగుబాటు, తలనొప్పి.. అనారోగ్యానికి ప్రధాన కారణాలివే
-
కెన్యాలో కుప్పకూలిన మిలిటరీ హెలికాప్టర్.. డిఫెన్స్ చీఫ్తో పాటు 9 మంది అధికారులు మృతి
-
భల్లూకం దెబ్బకు పెద్దపులి పరుగో పరుగు