‘ప్రియ.. నా గుండె లయ’ అంటున్న ఆది..!

హైదరాబాద్: ప్రదీప్‌ వ్యాఖ్యాతగా.. శేఖర్‌ మాస్టర్‌, పూర్ణ, ప్రియమణి న్యాయనిర్ణేతలుగా వ్యవహరిస్తున్న షో ‘ఢీ’. తాజాగా ఈ కార్యక్రమం పన్నెండో సీజన్‌ను విజయవంతంగా పూర్తి చేసుకొని, పదమూడవ సీజన్‌లోకి అడుగుపెట్టిన విషయం తెలిసిందే. ఈ సీజన్‌లో కింగ్స్‌ వర్సస్‌ క్వీన్స్‌గా సుధీర్‌, ఆది, రష్మి, దీపిక వ్యవహరించారు. ఈ సీజన్‌కు సంబంధించిన తాజా ప్రోమో విడుదలైంది.

త్వరలో ప్రసారం కానున్న ఈ ఎపిసోడ్ లో ‘నీ కాళ్లని పట్టుకు వదలనన్నది చూడే నా కళ్లు’ అంటూ ఓ కంటెస్టెంట్‌ చేసిన ప్రదర్శనకు పూర్ణ ఫిదా అయ్యారు. అదే విధంగా ‘అందమైన ప్రేమరాణి.. చేయి తగిలితే’ అంటూ ఓ కంటెస్టెంట్‌ చేసిన డ్యాన్స్‌కి సూపర్‌గా ఉందని జడ్జిలందరూ కామెంట్లు ఇచ్చారు. అంతేకాకుండా ఎప్పటిలాగానే ఆది-ప్రదీప్‌ వరుస పంచులతో కడుపుబ్బా నవ్వించారు. అలాగే ఆది.. ప్రియమణి గురించి ఓ ప్రేమ కవిత్వంతో ఎంతగానో అలరించారు. ఈ అదిరే స్టెప్పులు, అల్లరి హంగామాను వీక్షించాలంటే వచ్చే బుధవారం (డిసెంబర్‌ 23)న ప్రసారం కానున్న ‘ఢీ 13’ ఎపిసోడ్‌ను చూడాల్సిందే. అప్పటివరకు ఈ ప్రోమోను తిలకించండి.