Hyper Aadi: శ్రద్ధాదాస్ ముద్దు కోసం ఆది ప్రయత్నం.. ఫన్నీ వీడియో చూశారా!

తాను పాల్గొనే కార్యక్రమాల్లోని సభ్యులు, న్యాయ నిర్ణీతలను హైపర్‌ ఆది సరదాగా ఓ ఆట ఆడుకుంటుంటారు. వారిపై తనదైన శైలిలో పంచ్‌లు వేసి సందడి చేస్తుంటారు. ఆ నేపథ్యంలోనే నటి శ్రద్దాదాస్‌ ముద్దు కోసం ప్రయత్నించి నవ్వులు పంచారు.

Published : 05 Aug 2022 01:35 IST

ఇంటర్నెట్‌ డెస్క్‌: తాను పాల్గొనే కార్యక్రమాల్లోని సభ్యులు, న్యాయ నిర్ణీతలతో హైపర్‌ ఆది (Hyper Aadi) సరదాగా ఉంటారనే విషయం తెలిసిందే. వారిపై తనదైన శైలిలో పంచ్‌లు వేసి సందడి చేస్తుంటారు. ఆ నేపథ్యంలోనే నటి శ్రద్ధాదాస్‌ (Shraddha Das) ముద్దు కోసం ప్రయత్నించి నవ్వులు పంచారు. ప్రముఖ రియాలిటీ డ్యాన్స్‌ షో ‘ఢీ 14’లో (Dhee 14) ఈ ఫన్నీ సీన్‌ కనిపించింది. వారానికో కొత్త కాన్సెప్ట్‌తో డ్యాన్సర్లలోని ప్రతిభను బయటకు తీస్తున్న ఈ కార్యక్రమం ఇప్పుడు ‘కలర్స్‌ స్పెషల్‌’తో సిద్ధమైంది. ఈ స్పెషల్‌ ఎపిసోడ్‌లోని ఓ బాలుడి ప్రదర్శనకు ఫిదా అయిన న్యాయనిర్ణీతల్లో ఒకరైన శ్రద్ధాదాస్‌ అతడిని తన సీట్‌ దగ్గరకు ఆహ్వానిస్తుంది. ఆ హుషారైన బాలుడు శ్రద్ధాదాస్‌ బుగ్గపై ముద్దు పెడతాడు. కట్‌ చేస్తే, ఆ అబ్బాయిలానే హైపర్‌ ఆది శ్రద్ధ ముద్దు కోసం ప్రయత్నిస్తాడు. ‘కిస్‌ కాదు హగ్‌ ఇస్తా’ అని శ్రద్ధ అనగానే అక్కడున్న వారంతా ఆదిని ఆపేస్తారు. ఈ క్రమంలో చోటుచేసుకున్న కామెడీ చూస్తే పొట్ట చెక్కలవ్వాల్సిందే. ‘ఈటీవీ’లో (ETV) ఈ నెల 10 రాత్రి 9: 30 గం.లకు ప్రసారంకానున్న ఈ ఎపిసోడ్‌ ప్రోమో తాజాగా నెట్టింట విడుదలై, అందరినీ అలరిస్తోంది.


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని