Suvarna Sundari: సువర్ణ సుందరి వచ్చేస్తోంది

పూర్ణ (Poorna), సాక్షి చౌదరి (Sakshi Choudhary) ప్రధాన పాత్రల్లో సురేంద్ర మాదారపు తెరకెక్కించిన చిత్రం ‘సువర్ణ సుందరి’ (Suvarna Sundari). ఎమ్‌.ఎమ్‌.లక్ష్మీ నిర్మాత. సాయికుమార్‌, కోట శ్రీనివాస్‌, నాగినీడు తదితరులు కీలక పాత్రలు పోషించారు. ఈ సినిమా ఈ నెల 3న ప్రేక్షకుల ముందుకు రానుంది. ఈ నేపథ్యంలోనే ఈ చిత్ర ప్రీ రిలీజ్‌ ట్రైలర్‌, డిజిటల్‌ టికెట్‌ను నిర్మాత దిల్‌రాజు (Dil Raju) ఇటీవల విడుదల చేశారు. ఈ సందర్భంగా దర్శకుడు సురేంద్ర మాట్లాడుతూ.. ‘‘విజువల్‌ ఎఫెక్ట్స్‌కు ఎంతో ప్రాధాన్యమున్న చిత్రమిది. ఎక్కడా రాజీ పడకుండా మంచి నిర్మాణ విలువలతో రూపొందించాం. ప్రేక్షకులకు చక్కటి అనుభూతి అందిస్తుందని నమ్ముతున్నాం’’ అన్నారు. సంగీతం: సాయి కార్తీక్‌, ఛాయాగ్రహణం: యెల్లుమహంతి ఈశ్వర్‌.