Updated : 18 May 2022 06:44 IST

Dimple Hayathi: బాలకృష్ణతో ఆటాపాటా

‘‘జర్ర జర్ర..’’ అంటూ ‘గద్దలకొండ గణేష్‌’లోని ప్రత్యేక గీతంతో కుర్రాళ్ల గుండెల్లో గుబులు రేపింది డింపుల్‌ హయాతి. ఇటీవలే ‘ఖిలాడి’తో అలరించిన ఈ అమ్మడు.. ప్రస్తుతం గోపీచంద్‌ సరసన ‘లక్ష్యం2’లో నటిస్తోంది. కాగా, ఇప్పుడీ భామ బాలకృష్ణతో కలిసి స్టెప్పేసే అవకాశం అందుకుంది. బాలయ్య హీరోగా గోపీచంద్‌ మలినేని దర్శకత్వంలో ఓ మాస్‌ యాక్షన్‌ సినిమా రూపొందుతోన్న సంగతి తెలిసిందే. ప్రస్తుతం రామోజీ ఫిల్మ్‌సిటీలో శరవేగంగా చిత్రీకరణ జరుపుకుంటోంది. ఈ చిత్రంలో ఓ ప్రత్యేక గీతముంది. ఈ పాట కోసమే ఇప్పుడు డింపుల్‌ని రంగంలోకి దించింది చిత్ర బృందం. ప్రస్తుతం ఫిల్మ్‌సిటీలో వేసిన ప్రత్యేక సెట్లో బాలకృష్ణ, డింపుల్‌లపై ఈ పాట చిత్రీకరిస్తున్నట్లు సమాచారం. దీనికి శేఖర్‌ మాస్టర్‌ నృత్యరీతులు సమకూరుస్తున్నట్లు తెలిసింది. యథార్థ సంఘటనల ఆధారంగా అల్లుకున్న ఆసక్తికర కథాంశంతో ఈ చిత్రం రూపొందుతోంది. ఇందులో బాలయ్యకు జోడీగా శ్రుతిహాసన్‌ నటిస్తోంది. వరలక్ష్మి శరత్‌ కుమార్‌ కీలక పాత్రలో కనిపించనుంది. ఈ సినిమాకి మాటలు: సాయిమాధవ్‌ బుర్రా, సంగీతం: తమన్‌, ఛాయాగ్రహణం: రిషి పంజాబీ, నిర్మాతలు: నవీన్‌ యెర్నేని, వై.రవిశంకర్‌.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts