God Father: మోహన్‌ లాల్‌ 50 నిమిషాలు.. చిరంజీవి 2 గంటలు!

చిరంజీవి హీరోగా నటించిన పొలిటికల్‌ యాక్షన్‌ థ్రిల్లర్‌ చిత్రం ‘గాడ్‌ ఫాదర్‌’. ఈ సినిమా అక్టోబరు 5న విడుదలకానున్న సందర్భంగా దర్శకుడు మోహన్‌రాజా మీడియాతో ముచ్చటించారు.

Published : 04 Oct 2022 00:35 IST

హైదరాబాద్‌: సుమారు 2:50 గం.ల నిడివి ఉన్న మలయాళ సినిమా ‘లూసీఫర్‌’లో హీరో మోహన్‌ లాల్‌ 50 నిమిషాలు కనిపిస్తారని, ఆ సినిమా రీమేక్‌గా రూపొందిన ‘గాడ్‌ ఫాదర్‌’ (God Father) కథానాయకుడు చిరంజీవి (Chiranjeevi) 2 గంటలపాటు తెరపై సందడి చేస్తారని దర్శకుడు మోహన్‌ రాజా తెలిపారు. చిరంజీవి హీరోగా ఆయన తెరకెక్కించిన ‘గాడ్‌ ఫాదర్‌’ అక్టోబరు 5న ప్రేక్షకుల ముందుకు రానుంది. ఈ సందర్భంగా మోహన్‌రాజా విలేకరులతో మాట్లాడారు.

‘‘గాడ్‌ ఫాదర్‌’ చిరంజీవికి ఇమేజ్‌కు తగ్గ కథ. ఈ కంటెంట్‌కు సరిపోయే స్థాయి ఉన్న హీరోలు ఇండియాలో ముగ్గురు మాత్రమే ఉన్నారు. ‘లూసీఫర్‌’లో లేని ఓ కొత్త కోణం గాడ్ ఫాదర్‌లో ఉంటుంది. మాతృక చిత్ర కథకు నాదైన శైలిలో స్క్రీన్‌ప్లే జత చేశా. అదే సర్‌ప్రైజ్‌ చేస్తుంది. మలయాళ చిత్రంలో కనిపించని పది పాత్రలు ఇందులో కనిపిస్తాయి’’ అని మోహన్‌రాజా సినిమా విశేషాలు పంచుకున్నారు. పొలిటికల్‌ యాక్షన్‌ థ్రిల్లర్‌గా రూపొందిన ఈ సినిమాలో సల్మాన్‌ఖాన్‌, నయనతార, సత్యదేవ్‌, పూరీ జగన్నాథ్‌ కీలక పాత్రలు పోషించిన సంగతి తెలిసిందే.


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని