Rajamouli: తెలుగు రాష్ట్రాల సీఎంలకు రాజమౌళి కృతజ్ఞతలు

ఇంటర్నెట్‌ డెస్క్‌: చలన చిత్ర పరిశ్రమపై చొరవ చూపి, తగిన సహకారం అందించినందుకు రెండు తెలుగు రాష్ట్రాల ముఖ్యమంత్రులకు ప్రముఖ దర్శకుడు రాజమౌళి కృతజ్ఞతలు తెలిపారు. ఈ మేరకు ట్వీట్‌ చేశారు. భారీ బడ్జెట్‌ చిత్రాలకు 5 షోలు వేసుకునే వెసులుబాటు కల్పించినందుకు తెలంగాణ ప్రభుత్వానికి, సినిమా టికెట్‌ ధరలకు సంబంధించి సంతృప్తికరమైన జీవో ఇచ్చినందుకు ఆంధ్రప్రదేశ్‌ ప్రభుత్వానికి థ్యాంక్స్‌ చెప్పారు. సంబంధిత మంత్రులు తలసాని శ్రీనివాస్‌ యాదవ్‌, పేర్నినానికి ధన్యవాదాలు తెలిపారు. సినిమా టికెట్‌ ధరలకు సంబంధించిన ఏపీ కొత్త జీవోపై చిరంజీవి, మహేశ్‌బాబు, ప్రభాస్‌  సంతోషం వ్యక్తం చేశారు. సోషల్‌ మీడియా వేదికగా ఏపీ ప్రభుత్వానికి ఇటీవల ధన్యవాదాలు తెలిపారు.