Tollywood: సినీ తారాజువ్వలు.. టాలీవుడ్‌లో దీపావళి వేడుకలు షురూ

ఇంటర్నెట్‌డెస్క్‌: టాలీవుడ్‌లో దీపావళి సందడి మొదలైంది. స్టార్‌, యువ నటీనటులు నటించిన కొత్త చిత్రాల అప్‌డేట్స్‌తో నెట్టింట పండుగ వాతావరణం కనిపిస్తోంది. ఈ మేరకు విడుదలైన విజయ్‌ ‘వారసుడు’, ధనుష్‌ ‘సార్‌’, రవితేజ ‘రావణాసురుడు’, ‘ధమాకా’, ‘టైగర్‌ నాగేశ్వరరావు’, సమంత నటించిన ‘యశోద’ పోస్టర్లు సినీ ప్రియుల్ని ఆకట్టుకుంటున్నాయి. ఇక, వచ్చే ఏడాది సంక్రాంతికి ప్రేక్షకుల్ని అలరించేందుకు సిద్ధమవుతున్నట్లు బాలకృష్ణ ‘వీరసింహారెడ్డి’, చిరంజీవి ‘వాల్తేరు వీరయ్య’ టీమ్స్‌ ప్రకటించగా.. ఇప్పుడదే జాబితాలోకి అఖిల్‌ నటించిన ‘ఏజెంట్‌’ వచ్చి చేరింది.