Dongata: ఫహద్‌ ఫాజిల్‌ ‘దొంగాట’ ట్రైలర్‌

హైదరాబాద్‌:  ‘తనకో రూ.5వేలు ఇస్తే సమస్య పరిష్కారం అవుతుంది’ అంటున్నాడు మలయాళ నటుడు ఫహద్‌ ఫాజిల్‌ ఆయన కీలక పాత్రలో నటించిన చిత్రం ‘తొండిముతలం ద్రిక్షాక్షియుమ్‌’.2017లో విడుదలైన మలయాళం సినిమా అక్కడ బాక్సాఫీస్‌ వద్ద మంచి విజయాన్ని అందుకుంది. ఇప్పుడు ఈ సినిమా ‘దొంగాట’ పేరుతో ఆహాలో స్ట్రీమింగ్‌కు సిద్ధమైంది. మహిళ మెడలో నుంచి దొంగతనం చేసిన గొలుసును ఫహద్‌ ఫాజిల్‌ తిరిగి ఇచ్చేశాడా? పోలీసులు ఏం చేశారు? చివరకు ఆ గొలుసు ఎలా బయటపడింది? తెలియాలంటే సినిమా చూడాల్సిందే. మలయాళంలో అనేక అవార్డులను అందుకున్న ఈ సినిమా ఉత్తమ మలయాళ చిత్రంగా జాతీయ అవార్డును సైతం సొంతం చేసుకుంది.  మే 6వ తేదీ నుంచి  ఈ చిత్రం స్ట్రీమింగ్‌ కానుంది.