Dream Girl: ఈ తేదీకైనా వస్తుందా డ్రీమ్‌గర్ల్‌!

ఆయుష్మాన్‌ ఖురానా ప్రధాన పాత్రలో తెరకెక్కిన ‘డ్రీమ్‌గర్ల్‌’ (Dream Girl) విజయవంతమైన చిత్రంగా నిలిచింది. ఈ సినిమాకి సీక్వెల్‌గా ‘డ్రీమ్‌ గర్ల్‌ 2’ తెరకెక్కుతోన్న విషయం తెలిసిందే. రాజ్‌ శాండిల్య దర్శకత్వంలో ఏక్తా కపూర్‌ నిర్మిస్తున్న ఈ చిత్రంలో అనన్యాపాండే నాయికగా నటిస్తోంది. ఈ సినిమా విడుదల ముందుకి వెనక్కి వెళుతోంది. వచ్చే ఏడాది జూన్‌ 29న విడుదల అని చెప్పింది చిత్రబృందం. మళ్లీ ఒక వారం ముందుగా 23నే వచ్చేస్తున్నాం అని ప్రకటించారు. ఇప్పుడు ఆ తేదీలో కూడా రావడం లేదు. జులై 7న ప్రేక్షకుల ముందుకు తీసుకురావడానికి సన్నాహాలు చేస్తున్నారట. మరి చివరకి ఆ రోజునైన విడుదలవుతుందా? లేదా అనేది చూడాలి. ఆయుష్మాన్‌ ప్రస్తుతం ‘యాక్షన్‌ హీరో’ చిత్రంతో బిజీగా ఉన్నారు.