Drishyam2: హిందీ ‘దృశ్యం2’ టీజర్ విడుదల...

ఇంటర్నెట్ డెస్క్: మలయాళంలో సూపర్‌ హిట్‌ అయిన ‘దృశ్యం’ సినిమా పలు భాషల్లో విడుదలై ప్రేక్షకాదరణ పొందింది. దానికి సీక్వెల్‌గా వచ్చిన ‘దృశ్యం2’ కొన్ని భాషల్లో ప్రేక్షకుల ముందుకు వచ్చి అలరించింది. ఇప్పుడు ఈ చిత్రం హిందీలో విడుదలకు సిద్ధమవుతోంది. అజయ్‌దేవగణ్‌ ప్రధానపాత్రలో నటించారు. ఈ రోజు దీనికి సంబంధించిన టీజర్‌ను విడుదల చేశారు. ఈ విషయాన్ని అజయ్‌ తన ట్విటర్‌ వేదికగా తెలియజేశారు. ఆయన ‘దృశ్యం2’ టీజర్‌ను పోస్ట్ చేస్తూ ‘విజయ్‌, అతడి కుటుంబ సభ్యులు మీ అందరికీ గుర్తున్నారు కాదా.. వారు తిరిగి రావడానికి సిద్ధంగా ఉన్నారు’ అంటూ చిత్ర బృందాన్ని ట్యాగ్ చేశారు. నవంబర్‌ 18న ప్రేక్షకుల ముందుకు రానున్న ఈ చిత్రానికి సంబంధించి ఇప్పటికే అనేక పోస్టర్లను రిలీజ్‌ చేశారు. ఈ సినిమాలో శ్రియ, టబు, అక్షయ్‌ ఖన్నా తదితరులు నటిస్తున్నారు.