SALUTE Review: రివ్యూ: సెల్యూట్
SALUTE Review: దుల్కర్ సల్మాన్ కీలక పాత్రలో నటించిన ‘సెల్యూట్’ ఎలా ఉందంటే?
చిత్రం: సెల్యూట్; నటీనటులు: దుల్కర్ సల్మాన్, డయానా పెంటీ, మనోజ్ కె. జయన్, లక్ష్మి గోపాలస్వామి, సాయికుమార్, తదితరులు; ఎడిటింగ్: శ్రీకర్ ప్రసాద్; సంగీతం: జేక్స్ బిజోయ్; నిర్మాణ సంస్థ: వేఫేరర్ ఫిల్మ్స్; నిర్మాత: దుల్కర్ సల్మాన్; కథ, స్క్రీన్ ప్లే: బాబీ సంజయ్; దర్శకత్వం: రోషన్ ఆండ్రూస్; విడుదల: సోనీలివ్
‘మహానటి’తో తెలుగువారికి చేరువైన మలయాళీ నటుడు దుల్కర్ సల్మాన్. తరచూ విభిన్నమైన కథలు ఎంచుకుంటూ నటుడిగా సాహసాలు చేస్తుంటారాయన. ‘హే సినామిక’ వంటి ఫీల్గుడ్ మూవీ తర్వాత ఆయన ఎంచుకున్న సీరియస్ కథా చిత్రం ‘సెల్యూట్’. పోలీస్ ప్రొసీడరల్ థ్రిల్లర్గా తెరకెక్కిన ఈ సినిమా శుక్రవారం సోనీలివ్ వేదికగా ప్రేక్షకుల ముందుకు వచ్చింది. మరి, ఇంతకీ ఈ సినిమా ఎలా ఉంది? పోలీస్ పాత్రలో దుల్కర్ మెప్పించాడా?
కథేంటంటే: అరవింద్ కరుణాకర్ (దుల్కర్ సల్మాన్) మల్కాజ్గిరి పోలీస్స్టేషన్లో ఎస్సై. అన్న అజిత్ కరుణాకర్ (మనోజ్ కె.జయన్) డీఎస్పీ కావడంతో అతడి స్ఫూర్తితోనే అరవింద్ కూడా పోలీస్ ఆఫీసర్ అవుతాడు. మల్కాజ్గిరిలో దంపతులు దారుణహత్యకు గురవుతారు. రాజకీయ నాయకులు, ఉన్నతాధికారుల నుంచి ఒత్తిడి భరించలేక ఆటోడ్రైవర్ మురళిని ఈ కేసులో ఇరికించి, పోలీసులే సాక్ష్యాలు సృష్టించి అతడిని జైలుకు పంపుతారు. ఈ ఇన్వెస్టిగేషన్ టీమ్లో అరవింద్ కూడా భాగమవుతాడు. అయితే, మురళికి జరిగిన అన్యాయాన్ని జీర్ణించుకోలేక తన ఉద్యోగానికి దీర్ఘకాలం సెలవు పెడతాడు. ఇంతకీ ఈ హత్యలు చేసింది ఎవరు? సెలవుపై వెళ్లిన అరవింద్ మళ్లీ విధుల్లోకి రావడానికి కారణం ఏంటి? హంతకుడిని పట్టుకునేందుకు అరవింద్ చేసిన ప్రయత్నాలు ఏంటి? తెలియాలంటే సినిమా చూడాల్సిందే.
ఎలా ఉందంటే: సాధారణంగా క్రైమ్ థ్రిల్లర్ కథలు ఏదో ఒక హత్య చుట్టూ తిరుగుతాయి. ఆధారాలు లేని ఒక హత్య కేసును కథానాయకుడు ఎలా ఛేదించాడన్న ఉత్కంఠ కథ, కథనాలతో ఆ సినిమాలు సాగుతాయి. ‘సెల్యూట్’ ఆ కోవకే వచ్చినా కాస్త భిన్నమైన కథాంశం. ఒక హత్య జరిగిన తర్వాత పోలీసులు ఆ కేసు విచారణ ఎలా చేస్తారు? రాజకీయ నాయకులు, ఉన్నతాధికారుల నుంచి కిందిస్థాయి సిబ్బందిపై ఒత్తిళ్లు ఎలా ఉంటాయి? అలాంటి సమయంలో కేసును క్లోజ్ చేసేందుకు పోలీసులు అనుసరించే విధానాలేంటి? ఇలా ఒక్కో అంశాన్ని సవివరంగా చర్చించే క్రమంలో అసలు పాయింట్ పక్కకు వెళ్లిపోయి, కథనం నత్తనడకన సాగుతుందన్న విషయాన్ని దర్శకుడు మర్చిపోయాడు.
ప్రథమార్ధంలో ఎక్కువ భాగం దంపతుల హత్య కేసును ఆటో డ్రైవర్ మురళిపై నెట్టడానికి పోలీసులు ఎలా ఆధారాలు తయారు చేశారన్న దాని చుట్టూనే తిరుగుతుంది. అమాయకుడిని కేసులో ఇరికించడాన్ని తట్టుకోలేని అరవింద్ సెలవుపై వెళ్లడం, ఆ తర్వాత వచ్చే సన్నివేశాలు సుదీర్ఘంగా సాగుతాయి. పాత్రల మధ్య సంభాషణలు విసుగ్గా అనిపిస్తాయి. కథానాయిక పాత్ర ఉంది కదాని, దర్శకుడు పాటలు, లవ్ ట్రాక్ జోలికి వెళ్లకపోవడం కాస్త ఉపశమనం. ఎప్పుడైతే అరవింద్ మళ్లీ విధుల్లోకి చేరి దంపతుల హత్య కేసును తిరగతోడటం మొదలు పెడతాడో అప్పటి నుంచి ప్రేక్షకుడిలో కథపై ఆసక్తి పెరుగుతుంది. హత్య కేసుకు సంబంధించిన ఆధారాల కోసం అరవింద్ ప్రయత్నించడం దానికి పోలీసులే అడ్డుపడటం, వాటిని ఛేదించుకుంటూ అతడు ముందుకు సాగడం ఇలా ఒకదాని తర్వాత మరో సన్నివేశం చకచకా సాగుతుంది. మరోవైపు అసలు హంతకుడు ఎవరన్న ఉత్కంఠ ప్రేక్షకుడి మదిని తొలిచేస్తుంది. అరవింద్ కూడా ఒక్కో పాయింట్ను కనెక్ట్ చేసుకుంటూ వెళ్లడంతో ఇక హంతకుడు దొరికేస్తాడన్న సమయానికి దర్శకుడు ఊహించని ట్విస్ట్ ఇచ్చాడు. అదేంటన్నది తెరపై చూడాల్సిందే. కాస్త ఓపికతో ఏదైనా థ్రిల్లర్ మూవీ చూడాలని అనుకుంటే, ఈ వీకెండ్లో ‘సెల్యూట్’ చూడొచ్చు. సోనీ లివ్లో స్ట్రీమింగ్ అవుతోంది.
ఎవరెలా చేశారంటే: నిజాయతీ కలిగిన యువ పోలీస్ ఆఫీసర్ అరవింద్ కృష్ణగా దుల్కర్ సల్మాన్ చక్కగా నటించాడు. ఏ సన్నివేశంలో అతి చేయలేదు. ఫస్ట్ ఫ్రేమ్ నుంచి చివరి వరకూ సెటిల్డ్గా కనిపించాడు. కథానాయిక డయానా పాత్రకు పెద్దగా ప్రాధాన్యం లేదు. మనోజ్ కె, లక్ష్మీ గోపాల స్వామి సహా పోలీసులుగా చేసిన వారందరూ కొత్తవారే. తెలుగు ప్రేక్షకులకు పెద్దగా పరిచయం లేని వ్యక్తులు. సాంకేతికంగా సినిమా ఓకే. అస్లాం సినిమాటోగ్రఫీ బాగుంది. సినిమా చూస్తున్న ప్రేక్షకుడిలో థ్రిల్ మూడ్ కలిగించేలా లైటింగ్ ఎఫెక్ట్స్ వాడారు. ఎడిటర్ శ్రీకర్ ప్రసాద్ తన కత్తెరకు ఇంకాస్త పని చెప్పాల్సింది. బహుశా మలయాళ ప్రేక్షకులను దృష్టిలో పెట్టుకుని సినిమా కావడంతో నిడివి విషయం పెద్దగా పట్టించుకోలేదనిపిస్తోంది. జేక్స్ బిజోయ్ సంగీతం పర్వాలేదు. దర్శకుడు రోషన్ ఆండ్రూస్ ఓ డిఫరెంట్ థ్రిల్లర్ కథాంశాన్ని ఎంచుకున్నాడు. అయితే, పోలీస్ ఇన్వెస్టిగేషన్ డీటేలింగ్ పేరుతో కథనాన్ని మాత్రం సాగదీశాడు. నిడివి తగ్గి, కథనాన్ని బిగి సడలకుండా నడిపించి ఉంటే సినిమాకు నిజంగా ‘సెల్యూట్’ చేయొచ్చు.
బలాలు
+ దర్శకుడు ఎంచుకున్న పాయింట్
+ దుల్కర్ సల్మాన్ నటన
+ ద్వితీయార్ధం
బలహీనతలు
- ప్రథమార్ధం
- నెమ్మదిగా సాగే కథనం
చివరిగా: ‘సెల్యూట్’ చూడాలన్నా, చేయాలన్నా ఓపిక కావాలి.
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా? -
Yodha Review: రివ్యూ: యోధ.. యాక్షన్ థ్రిల్లర్ మెప్పించిందా?
సిద్ధార్థ్ మల్హోత్రా, రాశీఖన్నా నటించిన యాక్షన్ థ్రిల్లర్ ప్రేక్షకులను అలరించిందా..? -
Razakar Movie Review: రివ్యూ: రజాకార్.. బాబీ సింహా, అనసూయ నటించిన మూవీ ఎలా ఉంది?
Razakar Movie Review: తెలంగాణ సాయుధ పోరాటం నేపథ్యంలో రూపొందిన ‘రజాకార్’ ఎలా ఉందంటే? -
Merry Christmas review: రివ్యూ: మెర్రీ క్రిస్మస్.. విజయ్ సేతుపతి, కత్రినా కైఫ్ నటించిన చిత్రం ఎలా ఉందంటే?
విజయ్ సేతుపతి, కత్రినా కైఫ్ ప్రధాన పాత్రల్లో నటించిన చిత్రం ‘మెర్రీ క్రిస్మస్’. ఓటీటీ ‘నెట్ఫ్లిక్స్’లో స్ట్రీమింగ్ అవుతోంది. ఎలా ఉందంటే? -
Anweshippin Kandethum Review: రివ్యూ: అన్వేషిప్పిన్ కండెతుమ్.. మలయాళ బ్లాక్బస్టర్ ఎలా ఉంది?
Anweshippin Kandethum Review: టొవినో థామస్ కీలకపాత్రలో నటించిన పోలీస్ ప్రొసీడల్ డ్రామా మెప్పించిందా?