MAA Elections: బ్యాలెట్‌ పద్ధతిలోనే ‘మా’ ఎన్నికలు: కృష్ణమోహన్‌

హైదరాబాద్‌: ‘మా’ పోలింగ్‌పై ఎన్నికల అధికారి కృష్ణమోహన్‌ వివరణ ఇచ్చారు. బ్యాలెట్‌ పద్ధతిలోనే పోలింగ్‌ నిర్వహిస్తామని స్పష్టం చేశారు. ‘‘పోలింగ్‌ బ్యాలెట్‌ విధానంలోనే జరగాలని మంచు విష్ణు లేఖ రాశారు. ఈవీఎం ద్వారా పోలింగ్‌ జరపాలని ప్రకాశ్‌రాజ్‌ కోరారు. విష్ణు, ప్రకాశ్‌రాజ్‌ ప్రతిపాదనలు క్రమశిక్షణ కమిటీ ఛైర్మన్‌ కృష్ణంరాజు దృష్టికి తీసుకెళ్లాం. క్రమశిక్షణ కమిటీ ఛైర్మన్‌ కూడా బ్యాలెట్‌కే మొగ్గు చూపారు. సుప్రీంకోర్టు ఉత్తర్వుల మేరకు బ్యాలెట్‌ పద్ధతిలోనే పోలింగ్‌ నిర్వహిస్తున్నాం. ఏపీ, తెలంగాణలో స్థానిక ఎన్నికలు బ్యాలెట్‌ పద్ధతిలోనే జరిగాయి. 2019లో సుప్రీంకోర్టు ఉత్తర్వులు ఇచ్చింది. జీహెచ్‌ఎంసీ ఎన్నికలు కూడా బ్యాలెట్‌ పద్ధతిలోనే జరిగాయి’’ అని కృష్ణమోహన్‌ తెలిపారు.