Enemy: ఆ ఓటీటీలోకి.. విశాల్‌, ఆర్యల ‘ఎనిమి’

ఇంటర్నెట్‌ డెస్క్‌: విశాల్‌, ఆర్య హీరోలుగా కలిసి నటించిన చిత్రం ‘ఎనిమి’. గతేడాది నవంబరులో థియేటర్లలో విడుదలై ప్రేక్షకుల్ని అలరించిన ఈ సినిమా త్వరలోనే ఓటీటీలో సందడి చేయబోతుంది. ‘సోనీ లివ్‌’లో ఈ నెల 18 నుంచి స్ట్రీమింగ్‌ కానుంది. ప్రాణానికి ప్రాణంగా ఉండే ఇద్దరు స్నేహితులు శత్రువులుగా ఎందుకు మారాల్సి వచ్చింది? అనే ఆసక్తికర పాయింట్‌తో ఈ సినిమా తెరకెక్కింది. ఆనంద్‌ శంకర్‌ దర్శకత్వం వహించిన ఈ చిత్రంలో మృణాళిని రవి కథానాయిక. మమతా మోహన్‌దాస్‌, ప్రకాశ్‌రాజ్‌ తదితరులు కీలక పాత్రలు పోషించారు. ఈ చిత్రానికి సంగీతం: తమన్‌, నేపథ్య సంగీతం: శ్యామ్‌ సీఎస్‌, కూర్పు: రేమాండ్‌ డేరిక్‌ క్రస్టా, ఛాయాగ్రహణం: ఆర్‌. డి. రాజశేఖర్‌.