SV RangaRao: విశ్వనట చక్రవర్తి ఎస్వీ రంగారావు స్పెషల్‌.. ఈవారం ‘వెండితెర వేల్పులు’

హైదరాబాద్‌: ఆయన ఓ చరిత్ర.. ఆయన ఓ వైభవం.. ప్రతినాయక ప్రతీక.. వెండితెర వెలుగు రేఖ.. ఆయనే తెలుగు జాతి ఆస్తి విశ్వనట చక్రవర్తి ఎస్వీ రంగారావు (SV RangaRao). పౌరాణికం, కమర్షియల్‌.. సినిమా ఏదైనా.. పాత్ర ఎలాంటిదైనా.. ఆయన పరకాయ ప్రవేశం చేయనంతవరకే. ఒక్కసారి రంగప్రవేశం చేశారంటే ఆయన నటనకు పాత్రలే పరవశిస్తాయి. అహంకారం నుంచి ఘీంకారం వరకూ.. అనురాగం నుంచి అసూయ వరకూ ఆ కళ్లు పలికించని భావం, ఒలికించని రసమూ లేదు. భారతీయ సినిమా చరిత్రలో చిర యశస్వీ మన ఎస్వీ రంగారావు. ఆయన గురించి పలు ఆసక్తికర విశేషాలు పంచుకునేందుకు ఈ వారం ‘వెండితెర వేల్పులు’ కార్యక్రమం సిద్ధమైంది. ‘విశ్వనట చక్రవర్తి ఎస్వీరంగారావు’ స్పెషల్‌ ఎపిసోడ్‌ ‘ఈటీవీ’ వార్త ఛానళ్లలో ఈ ఆదివారం ఉదయం 10.30 గంటలకు, రాత్రి 10.30 గంటలకు ప్రసారం కానుంది.