ARI Trailer: అంతః శత్రువులను జయిస్తేనే!

సాయికుమార్‌ (Sai Kumar), అనసూయ భరద్వాజ్‌ (Anasuya), శుభలేఖ సుధాకర్‌, ఆమని, వైవాహర్ష తదితరులు ప్రధాన పాత్రలు పోషించిన సినిమా ‘అరి’ (ARI). ‘మై నేమ్‌ ఈజ్‌ నో బడీ’ అనేది ఉపశీర్షిక. జయశంకర్‌ తెరకెక్కించారు. ఇటీవల ఈ సినిమా ట్రైలర్‌ విడుదలైంది. తాజాగా ఈ ట్రైలర్‌ను ప్రశంసిస్తూ మాజీ ఉపరాష్ట్రపతి వెంకయ్య నాయుడు ట్వీట్‌ చేశారు. ‘అరి’ చిత్రబృందంతో దిగిన ఫొటోలను పంచుకుంటూ.. ‘‘అరి’ ట్రైలర్‌ చూడడం చాలా ఆనందంగా ఉంది. ఆరు రకాల అంతః శత్రువులను ప్రతి మనిషి జయించాలన్న సందేశంతో కూడిన కథతో ఈ సినిమా తెరకెక్కించారు. ఈ సినిమా విజయం సాధించాలని కోరుకుంటున్నా’’ అని ట్వీట్‌ చేశారు. ఈ సినిమా త్వరలోనే ప్రేక్షకుల ముందుకు రానుంది.