EXTRACTION 2: యాక్షన్‌ ప్రియులను అలరించేలా ‘ఎక్స్‌ట్రాక్షన్‌2’ వచ్చేస్తోంది

ఇంటర్నెట్‌డెస్క్‌: ‘నా జీవితంలో నన్ను పోరాడమని చెప్పావు కదా. ఆ పనే చేస్తున్నా’ అంటున్నారు క్రిస్‌ హేమ్స్‌ వర్త్‌ (Chris Hemsworth). ఆయన కథానాయకుడిగా నటిస్తున్న యాక్షన్‌ థ్రిల్లర్‌ ‘ఎక్స్‌ట్రాక్షన్‌2’ (Extraction 2). 2020లో వచ్చిన ‘ఎక్స్‌ట్రాక్షన్‌’కు కొనసాగింపుగా ఈ సినిమాను సామ్‌ హర్‌గ్రేవ్‌ తెరకెక్కించారు. అన్ని కార్యక్రమాలు పూర్తి చేసుకున్న ఈ మూవీ జూన్‌ 16న ప్రముఖ ఓటీటీ నెట్‌ఫ్లిక్స్‌ వేదికగా స్ట్రీమింగ్‌ కానుంది. ఇంగ్లిష్‌తో పాటు, హిందీ, తెలుగు, తమిళ, భాషల్లో విడుదల చేస్తున్నారు. ఈ సందర్భంగా చిత్ర తెలుగు ట్రైలర్‌ను విడుదల చేశారు. మొదటి భాగానికి ఏ మాత్రం తగ్గకుండా అదిరిపోయే యాక్షన్‌ సన్నివేశాలతో సినిమాను తీర్చిదిద్దినట్లు ప్రచార చిత్రం చూస్తే అర్థమవుతోంది. అవెంజర్స్‌లో ‘థోర్’ పాత్రలో నటించి అలరించిన హేమ్స్‌ వర్త్‌ ఇందులో యాక్షన్‌ మోడ్‌లో అదరగొట్టాడు. మరి టేలర్‌ (హేమ్స్‌ వర్త్‌) ఏ మిషన్‌ కోసం రంగలోకి దిగాడు? అందులో విజయం సాధించాడా? లేదా తెలియాలంటే సినిమా చూడాల్సిందే!