F2 vs F3: స్టేజ్‌పై అదరగొట్టేసిన వెంకీ మామ, వరుణ్‌ తేజ్‌..

హైదరాబాద్‌: సమ్మర్‌ సోగ్గాళ్లుగా ఈ వేసవిలో నవ్వులు పూయించేందుకు సిద్ధమయ్యారు వెంకటేశ్‌, వరుణ్‌ తేజ్‌. ఈ ఇద్దరూ హీరోలుగా తెరకెక్కిన మల్టీ స్టారర్‌ ‘ఎఫ్‌-3’. అనిల్‌ రావిపూడి దర్శకుడు. తమన్నా, మెహ్రీన్‌ కథానాయికలు. 2019లో విడుదలై ఫన్‌ఫుల్‌ సక్సెస్‌ సొంతం చేసుకున్న ‘ఎఫ్‌-2’కి కొనసాగింపుగా ఈ సినిమా సిద్ధమైంది. మే 27న ఈ సినిమా ప్రేక్షకుల ముందుకు రానున్న సందర్భంగా శనివారం సాయంత్రం ‘ఎఫ్‌-3’ ప్రీ రిలీజ్‌ వేడుక హైదరాబాద్‌లో జరిగింది. ఈ కార్యక్రమంలో నటుడు సునీల్‌.. తన బ్రాండ్‌ మూకీ స్కిట్‌ చేసి అందర్నీ నవ్వించారు. ఇక, ‘ఎఫ్‌-2 వర్సెస్‌ ఎఫ్‌-3’ పేరుతో సాగిన ఓ సెగ్మెంట్‌లో వరుణ్‌తేజ్‌, వెంకటేశ్‌, ఇతర చిత్రబృందం రెండు టీమ్‌లుగా విడిపోయి నాన్‌స్టాప్‌ ఫన్‌ అందించారు. చిరంజీవి, నాగార్జున, బాలకృష్ణ, వెంకటేశ్‌.. సినిమాల్లోని డైలాగ్స్‌, సాంగ్స్‌ ప్లే చేసి వాటికి రీల్స్‌ చేయాలని, గెలిచిన టీమ్‌కి గిఫ్ట్‌ ఇస్తామని సుమ చెప్పడంతో వెంకీ, వరుణ్‌ జట్లు సరదాగా పోటీ పడ్డాయి. వెంకీ కామెడీ టైమింగ్‌కి ఫ్యాన్స్‌ అదుర్స్‌ అంటూ ప్రశంసిస్తున్నారు. మీరూ ఓసారి ఆ వీడియోలు చూసేయండి..!