Breaking | Feedback | ePratibha | E-PAPER | Pratibha

F3: వెంకటేశ్‌, వరుణ్‌ల ‘ఎఫ్3’.. కో బ్రదర్స్‌ సందడి.. నవ్వాపుకోలేరు!

ఇటీవల ఈ ‘ఎఫ్‌3’ షూట్‌ మళ్లీ మొదలైంది. ఈ సందర్భంగా సెట్‌లో సరదా సన్నివేశాలతో కూడిన వీడియోను చిత్ర బృందం విడుదల చేసింది.

Published : 17 Sep 2021 20:03 IST

హైదరాబాద్‌: వెంకటేశ్‌, వరుణ్‌ తేజ్‌ వెండితెరపై మరోసారి నవ్వుల పూలు పూయించేందుకు సిద్ధమవుతున్నారు. అనిల్‌ రావిపూడి దర్శకత్వంలో వీరి కాంబినేషన్‌లో వచ్చిన సూపర్‌ హిట్‌ చిత్రం ‘ఎఫ్‌-2’. 2019లో విడుదలైన ఈ సినిమా బాక్సాఫీస్‌ వద్ద ఘన విజయాన్ని నమోదు చేసింది. ‘ఎఫ్‌2’కు స్వీకెల్‌గా ‘ఎఫ్‌-3’ తెరకెక్కుతోంది. కరోనా కారణంగా ఈ సినిమా షూటింగ్‌ వాయిదా పడిన సంగతి తెలిసిందే. కాగా, ఇటీవల ‘ఎఫ్‌3’ షూట్‌ మళ్లీ మొదలైంది. ఈ సందర్భంగా సెట్‌లో సరదా సన్నివేశాలతో కూడిన వీడియోను చిత్ర బృందం విడుదల చేసింది. ‘ట్రిపుల్‌ ఫన్‌ అండ్‌ ఫ్రస్ట్రేషన్‌’ అంటూ పంచుకున్న వీడియో ఆద్యంతం నవ్వులు పంచుతోంది. ఇక వెండితెరపై ఏ స్థాయిలో అలరిస్తుందో చూడాలంటే ఇంకొన్ని రోజులు ఆగాల్సిందే!

‘ఎఫ్‌-2’లో భార్యలపై ఫ్రస్ట్రేషన్‌తో ఉన్న మన హీరోలు ‘ఎఫ్‌-3’లో డబ్బు వల్ల ఫ్రస్ట్రేషన్‌కు గురి కానున్నారు. ఈసారి కో బ్రదర్స్‌ వెంకీ, వరుణ్‌ జీవితాల్లో వచ్చిన ఫన్‌ అండ్‌ ఫ్రస్ట్రేషన్‌ ఏంటో తెరపై చూడాలి. ‘ఎఫ్‌-2’లో నటించిన తమన్నా, మెహరీన్‌.. ఈ సీక్వెల్‌లోనూ కథానాయికలుగా సందడి చేయనున్నారు. ఈసారి సునీల్‌, అలీ పాత్రలు ప్రత్యేక ఆకర్షణగా నిలవనున్నాయి. సెట్‌లో వారి హావభావాలు నవ్వులు పూయిస్తున్నాయి. దేవిశ్రీ ప్రసాద్‌ స్వరాలు సమకూరుస్తున్న ఈ చిత్రాన్ని శ్రీ వేంకటేశ్వర క్రియేషన్స్‌ బ్యానర్‌పై దిల్‌రాజు నిర్మిస్తున్నారు.

► Read latest Movies News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.