Director Sagar: సీనియర్‌ దర్శకుడు సాగర్‌ కన్నుమూత

చెన్నై: చిత్ర పరిశ్రమలో విషాదం చోటుచేసుకుంది. టాలీవుడ్‌ సీనియర్‌ దర్శకుడు సాగర్‌ (Sagar) (70) కన్నుమూశారు. కొంతకాలంగా అనారోగ్యంతో ఇబ్బందిపడుతోన్న ఆయన చెన్నైలోని నివాసంలో  తుదిశ్వాస విడిచారు. ఆయన మరణంతో చిత్ర పరిశ్రమలో విషాదం నెలకొంది. పలువురు సినీప్రముఖులు ఆయనకు సంతాపం ప్రకటిస్తున్నారు. గుంటూరు జిల్లాకు చెందిన సాగర్‌ అనుకోని విధంగా ఇండస్ట్రీలోకి అడుగుపెట్టారు. ‘రాకాసి లోయ’తో మొదటిసారి దర్శకుడిగా అడుగులు వేశారు. ఆ తర్వాత ‘స్టూవర్టుపురం దొంగలు’, ‘ఓసి నా మరదలా’, ‘రామసక్కనోడు’, ‘అమ్మదొంగ’ చిత్రాలకు ఆయన దర్శకుడిగా పనిచేశారు. అంతేకాకుండా తెలుగు సినిమా దర్శకుల సంఘానికి మూడుసార్లు అధ్యక్షుడిగా పనిచేశారు.