First Day First Show: ఓటీటీలోకి ‘ఫస్ట్‌ డే ఫస్ట్‌ షో’.. ఎప్పుడంటే?

ఇంటర్నెట్‌ డెస్క్‌: నూతన నటులు శ్రీకాంత్‌, సంచిత బసు ప్రధాన పాత్రల్లో తెరకెక్కిన చిత్రం ‘ఫస్ట్‌ డే ఫస్ట్‌ షో’ (First Day First Show). వంశీధర్‌ గౌడ్‌, లక్ష్మీనారాయణ పుట్టంశెట్టి సంయుక్తంగా దర్శకత్వం వహించిన ఈ సినిమా ఓటీటీ విడుదల ఖరారైంది. ‘ఆహా’ (Aha)లో ఈ నెల 23 నుంచి స్ట్రీమింగ్‌ కానుంది. నాటి ‘ఖుషి’ (kushi) సినిమా విడుదల ఇతివృత్తంగా రూపొందిన చిత్రమిది. ఆ చిత్రాన్ని తొలి రోజు తొలి ఆట చూడాలనుకున్న కథానాయికకు టికెట్‌ ఇచ్చేందుకు పవన్‌ కల్యాణ్‌ వీరాభిమాని అయిన హీరో ఎలాంటి ప్రయత్నాలు చేశాడు? ‘ఖుషి’ సినిమా ఫస్ట్‌ డే ఫస్ట్‌ షోని నాయకానాయికలు కలిసి చూశారా, లేదా? అనే కథాంశంతో వచ్చిన ఈ చిత్రం ప్రేక్షకులు ఆశించనంతగా మెప్పించలేకపోయింది. శ్రీజ ప్రొడక్షన్స్‌, మిత్రవింద మూవీస్‌ సంస్థలు సంయుక్తంగా నిర్మించిన ఈ చిత్రానికి ‘జాతి రత్నాలు’ దర్శకుడు అనుదీప్‌ కె.వి. కథ అందించిన సంగతి తెలిసిందే.