Published : 16 May 2022 20:35 IST

First Day First Show: ‘ఫస్ట్‌ డే ఫస్ట్‌ షో’ ప్రమోషన్స్‌కి రావడం ఆనందంగా ఉంది: నాగ్‌ అశ్విన్‌

ఇంటర్నెట్‌ డెస్క్‌: ‘శంకరాభరణం’, ‘స్వాతిముత్యం’ లాంటి సినిమాలను అందించిన సంస్థ పూర్ణోదయ మూవీ క్రియేషన్స్‌. దీని అనుబంధ సంస్థ శ్రీజ ఎంటర్‌టైన్‌మెంట్‌ పతాకంపై నిర్మిస్తున్న తాజా చిత్రం ‘ఫస్ట్‌ డే ఫస్ట్‌ షో’. ఈ చిత్ర పోస్టర్‌ను యువ దర్మకుడు నాగ్‌ అశ్విన్‌ సోమవారం ఆవిష్కరించారు. ప్రసాద్‌ల్యాబ్స్‌లో ఈ కార్యక్రమం జరిగింది. ఈ సినిమాతో వంశీ, లక్ష్మీ నారాయణలు దర్శకులుగా పరిచయమవుతున్నారు.

ఈ సందర్భంగా నాగ్‌ అశ్విన్‌ మాట్లాడుతూ.. ‘పూర్ణోదయ మూవీ క్రియేషన్స్‌ సినిమాల్లో ‘ఆపద్బాంధవుడు’ సినిమా నాకు చాలా ఇష్టం. ‘ఫస్ట్‌ డే ఫస్ట్‌ షో’ సినిమా ప్రమోషన్స్‌కు రావడం ఆనందంగా ఉంది. ఈ సంస్థలో నేను భవిష్యత్తులో సినిమా చేస్తా. దర్శకుడు వంశీ చాలా క్రియేటివ్‌గా ఆలోచిస్తాడు. ఈ కథ గురించి చిన్న లైన్‌ చెప్పినప్పుడు రెండు నిమిషాలు నవ్వుకున్నా. ఈ సినిమా ‘జాతిరత్నాలు’ కంటే హిట్‌ అవ్వాలని కోరుకుంటున్నాను’ అని అన్నారు.

దర్శకులు మాట్లాడుతూ త్వరలోనే ‘ఫస్ట్‌ డే ఫస్ట్‌ షో’ సినిమాకు సంబంధించిన పూర్తి వివరాలు వెల్లడిస్తామన్నారు. రథన్‌ సంగీతం అందిస్తున్న ఈ సినిమాకు కె.వి అనుదీప్‌ కథ, స్క్రీన్‌ ప్లే, డైలాగ్స్‌ అందిస్తున్నారు. ఈ చిత్రంలో శ్రీకాంత్‌ రెడ్డి, సంచిత బాసు, తనికెళ్ల భరణి, వెన్నెల కిశోర్‌, ప్రభాస్‌ శ్రీను, గంగవ్వ తదితరులు నటించనున్నారు.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని