Hidimbha: అశ్విన్‌బాబు కొత్త అవతారం.. ఉత్కంఠగా ‘హిడింబ’ గ్లింప్స్‌

ఇంటర్నెట్‌ డెస్క్‌: ‘జీనియస్‌’, ‘రాజుగారి గది 2’, ‘రాజుగారి గది 3’ తదితర చిత్రాలతో మెప్పించిన నటుడు అశ్విన్‌బాబు. వాటన్నింటికీ భిన్నంగా ఆయన నటించిన తాజా చిత్రం ‘హిడింబ’. అనిల్‌ కన్నెగంటి దర్శకుడు. నందితా శ్వేత కథానాయిక. ఆదివారం ఈ సినిమా గ్లింప్స్‌ విడుదలైంది. ‘పోలీసు ఆపరేషనా’ అంటూ సీనియర్‌ నటుడు శుభలేఖ సుధాకర్‌ ఆశ్చర్యాన్ని వ్యక్తం చేసే డైలాగ్‌తో ప్రారంభమైన వీడియో ఆద్యంతం ఉత్కంఠగా సాగింది. హీరో, విలన్ల మధ్య పోరాట సన్నివేశాలు అందరినీ ఆకట్టుకునేలా ఉన్నాయి. ఈ సినిమా ఓ బాలుడి చుట్టూ తిరిగే కథతో తెరకెక్కుతున్నట్టు తెలుస్తోంది. శ్రీ విఘ్నేశ్‌ కార్తీక్‌ సినిమాస్‌ పతాకంపై గంగాపట్నం శ్రీధర్‌ నిర్మిస్తోన్న ఈ చిత్రానికి సంగీతం: వికాస్‌, సాహిత్యం: రామజోగయ్య శాస్త్రి, ఛాయాగ్రహణం: బి. రాజశేఖర్‌, కూర్పు: ఎం.ఆర్‌. వర్మ.