Suriya: తొలి షెడ్యూల్‌ పూర్తి

విభిన్నమైన సినిమాల దర్శకుడు బాలాతో కథానాయకుడు సూర్య  ఓ సినిమా చేస్తున్న సంగతి తెలిసిందే. కృతిశెట్టి కథానాయిక. కన్యాకుమారిలో 35 రోజులుగా జరుగుతున్న ఈ చిత్ర తొలి షెడ్యూల్‌ ఇటీవలే పూర్తయినట్లు ప్రకటించారు. మరో షెడ్యూల్‌ను జూన్‌ నుంచి పట్టాలెక్కించనున్నట్లు నిర్మాతలు తెలిపారు. ఇందుకోసం గోవాలో భారీ సెట్‌ నిర్మిస్తున్నారు. ఈ చిత్రంలో ఇందులో సూర్య ద్విపాత్రాభినయం చేయనున్నాడని సమాచారం. ఓ పాత్రలో మత్స్యకారుడిగా కనిపిస్తాడని తెలుస్తోంది. 20 ఏళ్ల తర్వాత బాలా, సూర్య కలయికలో వస్తున్న మూడో చిత్రం కావడంతో దీనిపై భారీ అంచనాలున్నాయి. దీనికి జి.వి ప్రకాష్‌ సంగీతం అందిస్తున్నాడు.