Vijay: తొలి షెడ్యూల్‌ పూర్తి

‘బీస్ట్‌’ తర్వాత తమిళ కథానాయకుడు విజయ్‌, తెలుగు దర్శకుడు  వంశీ పైడిపల్లి దర్శకత్వంలో నటిస్తున్న సంగతి తెలిసిందే. ‘దళపతి-66’గా పిలుచుకొనే ఈ చిత్రానికి సంబంధించి తొలి షెడ్యూల్‌ పూర్తైంది. ఈ మేరకు దర్శకుడు వంశీ మాట్లాడుతూ.. ‘‘తొలి షెడ్యూల్‌ చాలా చిన్నది. వారం రోజుల్లోనే ముగిసింది. అభిమానుల కోసం ముందే   చెప్పినట్లు ఎంత త్వరగా వీలైతే అంత త్వరగా విజయ్‌ ఫస్ట్‌ లుక్‌ ఇస్తాం’’ అన్నారు. ఈ వారం రోజుల్లో ఓ పాటకు సంబంధించిన సన్నివేశాలు చిత్రీకరించినట్లు తెలుస్తోంది. ఇది కుటుంబ కథతో రూపొందుతోంది. ఈ సినిమాలో రష్మిక కథానాయిక. శరత్‌కుమార్‌ తొలిసారిగా విజయ్‌తో కలసి ఇందులో నటిస్తున్నారు.