Ante Sundaraniki: సుందరం సారోరు వచ్చారు

నాని కథా  నాయకుడిగా మైత్రీ మూవీ మేకర్స్‌ పతాకంపై తెరకెక్కుతున్న చిత్రం ‘అంటే... సుందరానికి!’. నజ్రియా ఫహాద్‌ కథానాయిక. వివేక్‌ ఆత్రేయ దర్శకత్వం వహిస్తున్నారు. నవీన్‌ యెర్నేని, రవిశంకర్‌.వై నిర్మాతలు. జూన్‌ 10న   ప్రేక్షకుల ముందుకొస్తున్న ఈ సినిమాలోని పంచెకట్టు... పాటని బుధవారం విడుదల చేశారు. వివేక్‌ సాగర్‌ స్వరపరిచిన ఈ గీతాన్ని  దర్శకుడు హసిత్‌ గోలి రచించగా, ప్రముఖ గాయని అరుణా సాయిరామ్‌ ఆలపించారు. న్యూయార్క్‌ టైమ్‌ స్క్వేర్‌ సహా అమెరికాలోని ప్రాచుర్యం పొందిన ప్రదేశాల నేపథ్యంలో సాగే పాట ఇది. ‘సారోరు ఫేడ్‌ అయిపోయె... ఫ్రీడమ్‌ మీదింకా’ అంటూ సాగే ఈ పాటతో నాని పోషించిన సుందరం పాత్రని ఆవిష్కరించే ప్రయత్నం చేశారు. నదియా, హర్షవర్ధన్‌, రాహుల్‌ రామకృష్ణ, సుహాస్‌ తదితరులు   నటించిన ఈ చిత్రానికి ఛాయాగ్రహణం: నికేత్‌ బొమ్మి.