Ramarao On Duty: రామారావు ఆన్‌ డ్యూయెట్‌

రవితేజ హీరోగా శరత్‌ మండవ తెరకెక్కిస్తున్న చిత్రం ‘రామారావు ఆన్‌ డ్యూటీ’. సుధాకర్‌ చెరుకూరి నిర్మిస్తున్నారు. రజిషా విజయన్‌, దివ్యాంశ కౌశిక్‌ కథానాయికలు. వేణు తొట్టెంపూడి, నాజర్‌, నరేశ్‌ తదితరులు కీలక పాత్రలు పోషిస్తున్నారు. ఈ సినిమా జూన్‌ 17న  ప్రేక్షకుల ముందుకు రానుంది. ఈ నేపథ్యంలోనే ప్రచార కార్యక్రమాలను వేగవంతం చేస్తోంది చిత్ర బృందం. ఇందులో భాగంగా ఈనెల 10న ఈ సినిమా నుంచి తొలి పాట ‘‘బుల్‌ బుల్‌ తరంగ్‌’’ని విడుదల చేయనున్నారు. ఈ మేరకు సామాజిక మాధ్యమాల వేదికగా పంచుకున్న పోస్టర్‌లో రవితేజ, రజిషా రొమాంటిక్‌ లుక్‌లో స్టైలిష్‌గా స్టెప్పేస్తూ కనిపించారు. ‘‘యథార్థ సంఘటనల ఆధారంగా తెరకెక్కుతున్న చిత్రమిది. ఇందులో రవితేజ ప్రభుత్వ అధికారిగా ఓ శక్తిమంతమైన పాత్రలో కనిపిస్తారు’’ అని చిత్ర దర్శక నిర్మాతలు తెలియజేశారు. ఈ చిత్రానికి సంగీతం: సామ్‌ సిఎస్‌, కూర్పు: ప్రవీణ్‌ కెఎల్‌, ఛాయాగ్రహణం: సత్యన్‌ సూర్యన్‌.