RamaRao On Duty: రామారావు..రాగాలాపన

రవితేజ హీరోగా నటిస్తున్న యాక్షన్‌ థ్రిల్లర్‌ ‘రామారావు ఆన్‌ డ్యూటీ’. శరత్‌ మండవ     దర్శకుడు. సుధాకర్‌ చెరుకూరి నిర్మిస్తున్నారు. రజిషా విజయన్, దివ్యాంశ కౌశిక్‌ కథానాయికలు. వేణు తొట్టెంపూడి కీలక పాత్రలో నటిస్తున్నారు. ఈ సినిమా జూన్‌ 17న ప్రేక్షకుల ముందుకు రానుంది. ఈ నేపథ్యంలోనే ప్రచార కార్యక్రమాల్ని వేగవంతం చేస్తోంది చిత్ర బృందం. ఇందులో భాగంగా ఈ చిత్రం నుంచి ఈనెల 7న ‘‘సొట్ట బుగ్గల్లో..’’ అనే గీతాన్ని    విడుదల చేయనున్నారు. ఈ విషయాన్ని మంగళవారం ప్రకటించారు. ఈ మేరకు సామాజిక మాధ్యమాల ద్వారా ఓ కొత్త లుక్‌ పంచుకున్నారు. ఆ పోస్టర్‌లో రవితేజ ఒక మసీదు ముందు నుంచి స్టైలిష్‌గా నడిచొస్తూ కనిపించారు. ఇందులో ఆయన శక్తిమంతమైన ప్రభుత్వ అధికారిగా కనిపించనున్నారు. సంగీతం: సామ్‌ సిఎస్, కూర్పు: ప్రవీణ్‌ కెఎల్, ఛాయాగ్రహణం: సత్యన్‌ సూర్యన్‌.