Ranga Ranga Vaibhavanga: తెలుసా తెలుసా.. ఎవ్వరి కోసం ఎవ్వరు పుడతారో

వైష్ణవ్‌ తేజ్‌, కేతిక శర్మ జంటగా గిరీశాయ తెరకెక్కిస్తున్న చిత్రం ‘రంగ రంగ వైభవంగా’. బి.వి.ఎస్‌.ఎన్‌ ప్రసాద్‌ నిర్మాత. దేవిశ్రీ ప్రసాద్‌ స్వరాలందిస్తున్నారు. ఈ సినిమా త్వరలో ప్రేక్షకుల ముందుకు రానుంది. ఈ నేపథ్యంలోనే గురువారం ఈ చిత్ర తొలి గీతాన్ని విడుదల చేశారు. ‘‘తెలుసా తెలుసా ఎవ్వరి కోసం ఎవ్వరు పుడతారో.. ఎవరికి ఎవరేమి అవతారో’’ అంటూ వినసొంపుగా సాగుతున్న ఈ పాటకు శ్రీమణి సాహిత్యమందించగా.. శంకర్‌ మహదేవన్‌ ఆలపించారు. పాటలో వైష్ణవ్‌, కేతికల జంట చూడముచ్చటగా కనిపించింది. ‘‘యువతరంతో పాటు అన్ని వర్గాల ప్రేక్షకుల్ని మెప్పించేలా సినిమా ఉంటుంది. వైష్ణవ్‌, కేతికల కెమిస్ట్రీ చిత్రానికి ప్రధాన ఆకర్షణగా నిలుస్తుంది. దేవిశ్రీ సంగీతం సినిమాని మరోస్థాయికి తీసుకెళ్తుంది’’ అని చిత్ర దర్శక నిర్మాతలు తెలిపారు.