Sridevi Shoban Babu: శ్రీదేవిని చూశాక శోభన్‌బాబు

సంతోష్‌ శోభన్‌, గౌరి జి.కిషన్‌ జంటగా నటిస్తున్న చిత్రం ‘శ్రీదేవి శోభన్‌బాబు’. ప్రశాంత్‌ కుమార్‌ దిమ్మల దర్శకత్వం వహిస్తున్నారు. గోల్డ్‌ బాక్స్‌ ఎంటర్‌టైన్‌మెంట్‌ పతాకంపై సుస్మిత కొణిదెల, విష్ణు ప్రసాద్‌ నిర్మిస్తున్నారు. ఈ చిత్రంలోని ‘నిను చూశాక...’ పాటని ప్రముఖ కథానాయకుడు సాయి తేజ్‌ విడుదల చేశారు. కమ్రాన్‌ స్వరకల్పనలోని ఈ గీతాన్ని రాకేందుమౌళి రచించగా, జునైద్‌కుమార్‌ ఆలపించారు. ‘‘రెండు వేర్వేరు మనస్తత్వాలున్న ఓ అమ్మాయి, అబ్బాయి మధ్య ప్రేమ, సంఘర్షణ నేపథ్యంలో సాగే చిత్రమిది. నాయకానాయికలపై తెరకెక్కించిన నిను చూశాక... పాట మనసుల్ని హత్తుకునేలా ఉంటుంద’’ని సినీ వర్గాలు తెలిపాయి. ఈ చిత్రానికి సిద్ధార్థ్‌ రామస్వామి ఛాయాగ్రాహకుడు.