హర్భజన్‌ సింగ్‌ ‘ఫ్రెండ్‌షిప్‌’ గీతం విన్నారా!

ఇంటర్నెట్‌ డెస్క్‌: క్రికెట్‌ క్రీడాకారుడిగా మైదానంలో సత్తా చాటిన హర్భజన్‌ సింగ్‌ నటుడిగానూ నిరూపించుకునేందుకు సిద్ధమయ్యారు. ‘ఫ్రెండ్‌షిప్‌’ అనే చిత్రంతో కథానాయకుడిగా తెరంగేట్రం చేయబోతున్నారాయన. ఇటీవలే ఈ చిత్రంలోని ‘లైఫ్‌లో మజా కోసం’ అనే గీతాన్ని విడుదల చేసింది చిత్రబృందం. కాలేజీ స్నేహానికి సంబంధించిన ఈ గీతం యువతని బాగా మెప్పిస్తోంది. ముఖ్యంగా ఇంజినీరింగ్‌ విద్యార్థుల్ని అమితంగా ఆకట్టుకునేలా ఉంది. ఎస్‌.పి. అభిషేక్ సాహిత్యం అందించిన ఈ పాటకు డీఎం. ఉదయకుమార్‌ స్వరాలు సమకూర్చారు. శరత్‌ సంతోష్‌ ఆలపించారు. 

జాన్‌పాల్‌ రాజ్‌, శ్యాం సూర్య సంయుక్తంగా దర్శకత్వం వహిస్తున్న ఈ చిత్రంలో ప్రముఖ నటుడు అర్జున్‌ కీలక పాత్ర పోషిస్తున్నారు. లాస్లియా కథానాయిక. జేపీఆర్‌, స్టాలిన్‌ ఈ సినిమాని నిర్మిస్తున్నారు.