Khiladi: ‘ఫుల్‌ కిక్కు’ ఫుల్‌ వీడియో వచ్చేసింది

ఇంటర్నెట్‌ డెస్క్‌: సంగీత ప్రియుల్ని ఎంతగానో అలరించిన ‘ఫుల్‌ కిక్కు’ గీతం ఫుల్‌ వీడియో విడుదలైంది. ‘ఖిలాడి’ సినిమాలోని పాట ఇది. రవితేజ, డింపుల్‌ హయాతి, మీనాక్షి చౌదరి నాయకానాయికలుగా నటించిన ఈ సినిమా ఇటీవల విడుదలై ప్రేక్షకుల్ని అలరిస్తోంది. ఈ నేపథ్యంలో చిత్ర బృందం ఈ వీడియోను అభిమానులతో పంచుకుంది. రవితేజ, డింపుల్‌ డ్యాన్స్‌, కలర్‌ఫుల్‌ సెట్స్‌ అందరినీ ఆకట్టుకునేలా ఉన్నాయి. శ్రీమణి రచించిన ఈ గీతాన్ని సాగర్‌, మమతా శర్మ ఆలపించారు. దేవిశ్రీ ప్రసాద్‌ స్వరాలు సమకూర్చారు. ఈ పవర్‌ఫుల్‌ చిత్రానికి రమేష్‌ వర్మ దర్శకత్వం వహించారు. కోనేరు సత్యనారాయణ నిర్మాతగా వ్యవహరించారు.