క్లాస్‌ కల్యాణి.. మాస్‌ బిర్యాని.. సాంగ్‌ చూశారా?

ఇంటర్నెట్‌ డెస్క్‌: మాస్‌ మహారాజ్‌ రవితేజ, గోపీచంద్‌ మలినేని కాంబినేషన్‌లో వచ్చిన హ్యాట్రిక్‌ చిత్రం ‘క్రాక్‌’ మంచి విజయం సాధించింది. థియేటర్లలో అందర్నీ అలరించిన ఈ చిత్రం ఇప్పుడు డిజిటల్‌ వేదికగా సందడి చేసేందుకు సిద్ధమైంది. ఇప్పటికే విడుదలైన ‘భూమ్‌ బద్దల్‌’ ఐటమ్‌ సాంగ్‌ సైతం యువతను ఉర్రూతలూగించిన విషయం తెలిసిందే. కాగా.. ఈ సినిమాలోని ‘మాస్‌ బిర్యాని’ పాటను చిత్రబృందం యూట్యూబ్‌లో విడుదల చేసింది. అందులో రవితేజ, శ్రుతిహాసన్‌ కలిసి చిందులేశారు. ఇద్దరూ తమదైన స్టైల్‌లో మాస్‌ స్టెప్పులు వేసిన ఈ పాట అభిమానులను ఆకట్టుకునేలా ఉంది. కాసర్ల శ్యామ్‌ రాసిన ఈ పాటకు తమన్‌ సంగీతం అందించారు. రాహుల్‌ నంబియార్‌, సాహితీ చాగంటి కలిసి ఆలపించారు. ఈ పాటను మీరూ చూసేయండి మరి..
ఇదీ చదవండి..

ప్రభాస్‌ ‘ఆది పురుష్‌’ సెట్‌లో అగ్నిప్రమాదం