మార్చి 19న ఓటీటీలో ‘గాలి సంపత్‌’

ఇంటర్నెట్‌ డెస్క్‌: శివరాత్రి కానుకగా విడుదలై థియేటర్లలో ప్రేక్షకులను అలరిస్తున్న ‘గాలి సంపత్‌’ ఇప్పుడు ఓటీటీ వేదికగా సందడి చేసేందుకు వస్తున్నాడు. శ్రీవిష్ణు, రాజేంద్రప్రసాద్‌ ప్రధాన పాత్రల్లో నటించిన ఈ చిత్రాన్ని యువ డైరెక్టర్‌ అనీశ్‌ కృష్ణ తెరకెక్కించారు. లవ్‌లీసింగ్‌ హీరోయిన్‌. తనికెళ్ల భరణి, సత్య, రఘుబాబు కీలక పాత్రలు పోషించారు. అనిల్‌ రావిపూడి స్క్రీన్‌ప్లే చూసుకోవడంతో పాటు దర్శకత్వ పర్యవేక్షణ చేశారు. ఇమేజ్‌ స్పార్క్‌ ఎంటర్‌టైన్‌మెంట్‌, షైన్‌ స్క్రీన్స్ పతాకంపై ఎస్‌.కృష్ణ, హరీశ్‌ పెద్ది, సాహు, గారపాటి సంయుక్తంగా నిర్మించారు. కాగా.. ఈ సినిమా ప్రముఖ ఓటీటీ వేదిక ‘ఆహా’లో మార్చి 19న విడుదల కానుంది. ఈ విషయాన్ని ట్విటర్‌ వేదికగా ‘ఆహా’ పంచుకుంది. అదేరోజు ‘ఆహా’లో ‘క్షణ క్షణం’ కూడా విడుదల కానుండటం విశేషం.