Cinema News: ఆట మొదలైంది

గీతానంద్‌, నేహా సోలంకి జంటగా నటిస్తున్న చిత్రం ‘గేమ్‌ ఆన్‌’. దయానంద్‌ దర్శకుడు. కుమార్‌ బాబు, రవి కస్తూరి, పమిడి రవితేజ సంయుక్తంగా నిర్మిస్తున్నారు. ఈ సినిమా శనివారం హైదరాబాద్‌లో పూజా కార్యక్రమంతో ప్రారంభమైంది. ముహూర్తం సన్నివేశానికి ప్రవీణ్‌ సత్తారు క్లాప్‌ కొట్టగా.. పమిడి రమేష్‌ కెమెరా స్విచ్ఛాన్‌ చేశారు. ఈ సందర్భంగా చిత్ర దర్శకుడు మాట్లాడుతూ.. ‘‘ఇదొక రొమాంటిక్‌ యాక్షన్‌ థ్రిల్లర్‌ సినిమా. ఇందులో అన్ని రకాల భావోద్వేగాలు పుష్కలంగా ఉన్నాయి. రెండు షెడ్యూల్స్‌లో ఈ చిత్రం పూర్తి చేస్తాం’’ అన్నారు. ‘‘మంచి కాన్సెప్ట్‌, ఆసక్తికర మలుపులతో వస్తున్న ఈ సినిమా 2022లో ఉత్తమ చిత్రమవుతుంది’’ అన్నారు హీరో గీతానంద్‌. కార్యక్రమంలో నేహా, వసంతి, కిరీటిలు పాల్గొన్నారు. సంగీతం: అశ్విన్‌ - అరుణ్‌, ఛాయాగ్రహణం: అరవింద్‌ విశ్వనాథన్‌.