Published : 03 Feb 2022 02:33 IST

Ganesh Acharya: ‘ఊ అంటావా’ కొరియోగ్రఫీ చేయనని చెప్పా: గణేశ్‌ మాస్టర్‌

ముంబయి: సెన్సేషనల్‌ సాంగ్‌ ‘ఊ అంటావా మావ ఊఊ అంటావా’కి మొదట తాను కొరియోగ్రఫీ చేయనని చెప్పానని ప్రముఖ డ్యాన్స్‌ మాస్టర్‌ గణేశ్‌ ఆచార్య తెలిపారు. సినిమా విడుదలైన నాటి నుంచి ప్రేక్షకుల్లో ఈ పాటకు విపరీతమైన క్రేజ్‌ వచ్చిన సంగతి తెలిసిందే. తాజాగా ఈ పాటకు సంబంధించిన పలు విషయాలను గణేశ్‌ పంచుకున్నారు. ప్రేక్షకుల నుంచి వస్తోన్న రెస్పాన్స్‌ చూస్తుంటే తనకెంతో ఆనందంగా ఉందన్నారు.

‘‘పుష్ప’ సినిమా డిసెంబర్‌ 17న విడుదలై భారీ వసూళ్లు రాబట్టింది. ఈ సినిమాలో ఉన్న ‘ఊ అంటావా’ పాటకు ప్రేక్షకుల నుంచి మంచి రెస్పాన్స్‌ వస్తోంది. అయితే, ఈసినిమా విడుదల కావడానికి ముందు డిసెంబర్‌ 2న అల్లు అర్జున్‌ నాకు ఫోన్‌ చేశారు. ‘మాస్టర్‌..  మా సినిమాలో ఓ స్పెషల్‌ సాంగ్‌కి మీరు కొరియోగ్రఫీ చేయాలి’ అని అడిగారు. అప్పటికే నేను కంటిశుక్లాలకు సర్జరీ చేయించుకోవడానికి వైద్యుడి వద్ద అపాయింట్‌మెంట్‌ తీసుకున్నా. దాంతో.. ‘ఏం అనుకోవద్దు బన్నీ.. నేను చేయలేను. ఎందుకంటే నాకు రేపే సర్జరీ ఉంద’ని చెప్పడంతో.. ఆ చిత్ర నిర్మాతలు మా డాక్టర్‌తో మాట్లాడి నా సర్జరీ డేట్‌ని మరో రోజుకి మార్చేలా చేశారు. అలా, నేను ఈ పాటకు కొరియోగ్రఫీ చేయగలిగాను. మొదటి రెండు రోజులపాటు రిహార్సల్స్‌ చేశాం. దీనికి ఇంత క్రేజ్‌ వచ్చిందంటే నా కొరియోగ్రఫీ ఒక్కటే కాదు.. సమంత-బన్నీ హార్డ్‌ వర్క్‌ కూడా ఉంది. ఈ పాటలో వాళ్లిద్దరి నటనకు అందరూ కనెక్ట్‌ అయ్యారు’’ అని గణేశ్‌ వివరించారు.



Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts