Cinema News: ‘మహాసముద్రం’లో కేజీఎఫ్‌ విలన్‌

హైదరాబాద్‌: శర్వానంద్‌, సిద్దార్థ్ ప్రధాన పాత్రల్లో నటిస్తున్న ప్రేమకథా చిత్రం ‘మహాసముద్రం’. ‘ఆర్‌ఎక్స్‌ 100’ ఫేమ్‌ అజయ్‌భూపతి ఈ చిత్రానికి దర్శకత్వం వహిస్తున్నారు. ‘మహాసముద్రం’లో ప్రతినాయకుడి పాత్రను ఎవరు పోషించనున్నారో తెలియజేస్తూ శనివారం చిత్రబృందం ఓ పోస్టర్‌ విడుదల చేసింది. ‘కేజీఎఫ్‌’లో గరుడగా మెప్పించిన రామ్‌, ఇందులో ధనుంజయ్‌గా తన విలనిజాన్ని ప్రదర్శించనున్నారు.

ఏకే ఎంటర్‌టైన్‌మెంట్స్‌ పతాకంపై రూపుదిద్దుకుంటోన్న ఈ చిత్రానికి రామబ్రహ్మం సుంకర నిర్మాతగా వ్యవహరిస్తున్నారు. అదితిరావ్‌ హైదరీ, అను ఇమ్మాన్యుయేల్‌ కథానాయికలు. చైతన్‌ భరద్వాజ్‌ స్వరాలు అందిస్తున్నారు. శరవేగంగా చిత్రీకరణ జరుపుకుంటున్న ఈ ప్రాజెక్ట్‌ పనులు లాక్‌డౌన్ కారణంగా కొన్నిరోజుల క్రితం వాయిదా పడ్డాయి.