హిట్‌ కొట్టాలనేకసితో సూర్య

‘సూరరై పోట్రు’లో సూర్య

కోడంబాక్కం: ఇటీవల సూర్య నటించిన ‘ఎన్‌జీకే’, ‘మాట్రాన్‌’ చిత్రాలు ఆశించిన విజయాన్ని అందుకోలేక పోయాయి. దీంతో ఎలాగైనా హిట్‌ చిత్రాన్ని ప్రేక్షకులకు అందించాలనే కసితో ఉన్నారు సూర్య. అందులో భాగంగా ఆయన నటించిన మరో ప్రయోగాత్మక చిత్రం ‘సూరరై పోట్రు’. వేసవి వినోదంగా ఈ సినిమాను విడుదల చేయనున్నట్లు చిత్రవర్గాలు ఇప్పటికే ప్రకటించాయి. ఇందులో జాకీష్రాఫ్‌, మోహన్‌బాబు, వివేక్‌ ప్రసన్న, కరుణాస్‌లు నటించారు. తన సొంత బ్యానరుపై సూర్య నిర్మించారు. ఓ సాధారణ యువకుడు ఎలా విమాన సంస్థను స్థాపించారనే కథాంశంతో దీన్ని రూపొందిస్తున్నారు. ఇటీవల విడుదలైన ట్రైలర్‌ యువతకు స్ఫూర్తివంతంగా అనిపిస్తోంది. అభిమానులు కోరుకునే విధంగా ఇందులో మాస్‌, కమర్షియల్‌ అంశాలన్నీ ఉండేలా చూసుకున్నారట సూర్య. ‘సర్వం తాళమయం’ చిత్రంతో గుర్తింపు తెచ్చుకున్న అపర్ణ బాలమురళి ఇందులో కథానాయికగా నటిస్తోంది. త్వరలోనే సింగిల్‌ ట్రాక్‌ను ఆవిష్కరించనున్నారు.