నటి రమ్యకృష్ణ కారులో మద్యం పట్టివేత

చెన్నై: సినీ నటి, ఒకప్పటి స్టార్‌ కథానాయిక రమ్యకృష్ణ కారులో భారీగా మద్యం సీసాలను పోలీసులు స్వాధీనం చేసుకున్నారు. చెన్నై ఈసీఆర్ రోడ్డులో పోలీసులు వాహన తనిఖీలు చేస్తుండగా, అదే సమయంలో అక్కడకు వచ్చిన రమ్యకృష్ణ వాహనాన్ని( TN07Q 0099) కూడా ఆపారు. అందులో తనిఖీ చేయగా, 96 బీర్ బాటిళ్లు,8 మద్యం సీసాలు గుర్తించారు. దీంతో డ్రైవర్‌ సెల్వకుమార్‌ని పోలీసులు అదుపులోకి తీసుకున్నారు. ఆ సమయంలో రమ్యకృష్ణ కారులో లేరు. కేవలం రిజిస్ట్రేషన్‌ ఆధారంగా ఆమెకు చెందిన కారుగా గుర్తించారు. ఈ ఘటనపై రమ్యకృష్ణ స్పందించలేదు. చెన్నైలో మద్యం అమ్మకాలు లేకపోవడంతో మహాబలిపురం నుంచి కొనుగోలు చేసి తీసుకెళ్తున్నట్లు తెలుస్తోంది.