చిరు.. నువ్వు మళ్లీ తిరిగి రా..!

తన సోదరుడు చిరంజీవి సర్జా లేకుండా తాను జీవించలేకపోతున్నానని నటుడు ధ్రువ సర్జా అన్నారు. ఈ మేరకు ఆయన సోషల్‌మీడియా వేదికగా పలు పోస్ట్‌లు పెట్టారు. ఇటీవల చిరంజీవి సర్జా గుండెపోటుతో అకాల మరణం...

Updated : 14 Jun 2020 11:14 IST

నీవు లేకుండా నేను ఉండలేను: ధ్రువ సర్జా

బెంగళూరు: తన సోదరుడు చిరంజీవి సర్జా లేకుండా తాను జీవించలేకపోతున్నానని నటుడు ధ్రువ సర్జా అన్నారు. ఈ మేరకు ఆయన సోషల్‌మీడియా వేదికగా పలు పోస్ట్‌లు పెట్టారు. ఇటీవల చిరంజీవి సర్జా గుండెపోటుతో అకాల మరణం చెందిన విషయం తెలిసిందే. ఈ నేపథ్యంలో తాజాగా ధ్రువ తన సోదరుడిని గుర్తు చేసుకుంటూ ఇన్‌స్టా స్టోరీస్‌లో భావోద్వేగ పోస్ట్‌లు పెట్టారు. తన అన్నతో దిగిన పలు ఫొటోలను షేర్‌ చేస్తూ.. ‘నా అన్న.. నా ప్రపంచం.. నువ్వు మళ్లీ తిరిగి రా..! నువ్వు లేకుండా నేను జీవించలేకపోతున్నాను’ అని పేర్కొన్నారు. ధ్రువ పెట్టిన పోస్ట్‌లు చూసిన నెటిజన్లు సైతం భావోద్వేగానికి గురవుతున్నారు. ధ్రువ కంటే చిరంజీవి ఎనిమిదేళ్లు పెద్దవాడు. పేరుకి అన్నదమ్ములే అయినా స్నేహితుల్లా కలిసి ఉండేవాళ్లు. తన సోదరుడు ధ్రువతో దిగిన ఫొటోలను, వీడియోలను తరచూ చిరు ఇన్‌స్టా వేదికగా పోస్ట్‌ చేసేవారు. అయితే ఇటీవల చిరు మృతితో సదరు వీడియోలు, ఫొటోలు నెట్టింట్లో తెగ చక్కర్లు కొడుతున్నాయి.

2012లో విడుదలైన ‘అద్దూరి’ చిత్రంతో ధ్రువ కథానాయకుడిగా వెండితెరకు పరిచయమయ్యారు. నటుడిగా మొదటి సినిమానే ఆయనకు మంచి గుర్తింపు తీసుకువచ్చింది. ఆ తర్వాత ‘బహద్దూర్‌’, ‘భర్జారి’ చిత్రాల్లో నటించారు. ఇటీవల ధ్రువ కథానాయకుడిగా నటించిన చిత్రం ‘పొగరు’. నంద కిషోర్‌ దర్శకత్వం వహించిన ఈ సినిమాలో రష్మిక కథానాయికగా నటించారు. మార్చి 24న ‘పొగరు’ విడుదల చేయాలని చిత్రబృందం భావించినప్పటికీ లాక్‌డౌన్‌ కారణంగా వాయిదా పడింది.

 


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని