సర్‌ప్రైజ్‌: నిహారికతో ఉన్న వ్యక్తి ఎవరు?

హైదరాబాద్‌: ‘మెగా డాటర్‌’ నిహారిక కొణిదెల వివాహం నిశ్చయమైందా? అంటే అవుననే సమాధానం వినిపిస్తోంది. పెళ్లి విషయమై మెగా కుటుంబం నుంచి అధికారికంగా స్పష్టమైన ప్రకటన రానప్పటికీ సామాజిక మాధ్యమాల వేదికగా నిహారిక చేస్తున్న పోస్ట్‌లు ఆ విషయాన్ని బలపరుస్తున్నాయి. తాజాగా ఆమె స్టార్‌బక్స్‌ కాఫీ కప్పు ఫొటోను ఇన్‌స్టాలో షేర్‌ చేశారు. అయితే ఆ కప్పుపై మిస్‌.నిహా (మిస్‌ని కొట్టివేసి) మిసెస్‌..? అని రాసి ఉంది. ఇప్పుడు నిహారిక మరో ఆసక్తికర ఫొటోను ఇన్‌స్టా వేదికగా పంచుకున్నారు. 

ఓ వ్యక్తిని కౌగలించుకుని నవ్వుతూ దిగిన ఫొటోను పంచుకుంటూ ‘పీక్‌ ఏ బూ’ అని క్యాప్షన్‌ ఇచ్చారు. ఆ వ్యక్తి తల వెనుక భాగం మాత్రమే కనిపించేలా ఉండటంతో ఎవరా? వ్యక్తి అన్న ఆసక్తి అందరిలోనూ మొదలైంది. దీంతో ఆమె అభిమానులు ‘ప్లీజ్‌ ఆ వ్యక్తి ఎవరో చెబుతారా’, ‘ఎప్పుడు ఆ వ్యక్తిని పరిచయం చేస్తారు? అంటూ ప్రశ్నలు సంధించారు. వ్యాపారవేత్తతో నిహారిక వివాహం నిశ్చయమైందని, ఆగస్టులో వీరి పెళ్లి ఉండొచ్చని వార్తలు వస్తున్నాయి. ఆ వ్యక్తి ఎవరో తెలియాలంటే ఇంకొన్ని రోజులు ఆగాల్సిందే!