ఐశ్వర్యరాయ్‌కు కరోనా పాజిటివ్‌

ముంబయి: ప్రముఖ నటి ఐశ్వర్యారాయ్‌ బచ్చన్‌కు కరోనా సోకింది. ఆమెతోపాటు కూతురు ఆరాధ్యకు కూడా కరోనా పాజిటివ్‌ వచ్చింది. ఈ మేరకు అభిషేక్‌ బచ్చన్‌ ట్వీట్‌ చేశాడు. ప్రముఖ నటుడు అమితాబ్‌ బచ్చన్‌కు శనివారం కరోనా పాజిటివ్‌ రావడంతో కుటుంబ సభ్యులకు పరీక్షలు నిర్వహించారు. వాటిలో ఐశ్వర్య, ఆరాధ్య శాంపిల్స్‌కు పాజిటివ్‌ వచ్చింది. తొలుత యాంటీజెన్‌ టెస్టులో నెగిటివ్‌ వచ్చింది.. ఆ తర్వాత ఆర్టీపీసీఆర్‌ టెస్టులో పాజిటివ్‌ అని తేలింది. ఇప్పటికే అభిషేక్‌కు పాజిటివ్‌ వచ్చిన విషయం తెలిసిందే. అయితే అమితాబ్‌ భార్య జయా బచ్చన్‌, ఇతర కుటుంబసభ్యులకు నెగిటివ్‌ వచ్చింది. ప్రస్తుతం ఐశ్వర్య, ఆరాధ్య సెల్ఫ్‌ క్వారంటైన్‌లో ఉన్నారని అభిషేక్‌ ట్వీట్‌లో పేర్కొన్నారు.