‘వేదం’ నాగయ్య కన్నుమూత

కొంతకాలంగా అనారోగ్యంతో బాధపడుతున్న ‘వేదం’ నాగయ్య గుంటూరు జిల్లా నకరికల్లు మండలం దేచవరంలో శనివారం కన్నుమూశారు. ‘వేదం’ చిత్రంతో ఈయన సినీ పరిశ్రమకు పరిచమయ్యారు. 30 చిత్రాల్లో నటించారు. మాదాసు నాగయ్య... తన నటనతో ‘వేదం’ నాగయ్యగా మారారు. ఎలాంటి శిక్షణ  పొందనప్పటికీ సహజమైన హావభావాలతో తెలుగు ప్రేక్షకుల్ని కట్టిపడేశారు. నంది పురస్కారమూ అందుకున్నారు. ‘వేదం’లో ఆయన చెప్పిన ‘పద్మ మన పైసలు దొరికాయే..  నీ బిడ్డ సదువుకుంటాడే’’ వంటి  డైలాగులు ఎప్పటికీ గుర్తుండిపోతాయి. తొలుత నాగయ్య గొడుగులు అమ్ముకుని జీవించేవారు. ఆయన భార్య కోటమ్మ ఐదేళ్ల క్రితం మృతి చెందారు. ఆయనకు కుమారుడు, కుమార్తె ఉన్నారు.