Ram: సీమ టచ్‌

లింగుస్వామి అనగానే తెలుగు ప్రేక్షకులకు మొదట గుర్తుకొచ్చేది ‘పందెంకోడి’ సినిమానే. అది ప్రేక్షకుల ముందుకొచ్చి చాలా యేళ్లే అయినా ఇప్పటికీ ఆ చిత్రాన్ని మరిచిపోలేదు. రాయలసీమ ఫ్యాక్షన్‌ నేపథ్యాన్ని అందులో మేళవించిన తీరు ఆకట్టుకుంది. అదే తరహా సీమ టచ్‌తో లింగుస్వామి తదుపరి సినిమా కూడా తెరకెక్కనుందని సమాచారం. ఆ సినిమా రామ్‌ కథానాయకుడిగా తెరకెక్కనున్న సంగతి తెలిసిందే. తెలుగు, తమిళ భాషల్లో రూపొందిస్తున్నారు. రామ్‌ పోలీస్‌గా సందడి చేయనున్నట్టు సమాచారం. ఈ కథలో రాయలసీమ నేపథ్యం ఉంటుందని తెలిసింది.