Ravi teja: ‘రామారావు’.. ఆన్‌ డ్యూటీ

రవితేజ కథానాయకుడిగా కొత్త దర్శకుడు శరత్‌ మండవ ఓ చిత్రం తెరకెక్కిస్తున్నారు. సుధాకర్‌ చెరుకూరి నిర్మిస్తున్నారు. దివ్యాంశ కౌశిక్‌ కథానాయిక. ఈ సినిమాకి ‘రామారావు’ అనే టైటిల్‌ ఖరారు చేశారు. ఆన్‌ డ్యూటీ.. అన్నది ఉపశీర్షిక. సోమవారం ఫస్ట్‌లుక్‌ను విడుదల చేశారు. ఈ పోస్టర్‌లో రవితేజ ఫార్మల్‌ దుస్తులు ధరించి.. ట్రెండీ గాగుల్స్‌తో స్టైలిష్‌గా కనిపించారు. బ్యాగ్రౌండ్‌లో ప్రభుత్వ వాహనంతో పాటు ఆయన ప్రమాణ స్వీకార పత్రం, మెజిస్ట్రేట్‌ కార్యాలయం బోర్డులను చూపించారు. ‘‘వాస్తవ సంఘటనల ఆధారంగా ఓ విభిన్నమైన థ్రిల్లర్‌గా ఈ చిత్రం రూపొందిస్తున్నారు. ఇందులో రవితేజ నిజాయితీ గల ప్రభుత్వ అధికారిగా కనిపించనున్నారు. ప్రస్తుతం హైదరాబాద్‌లో శరవేగంగా చిత్రీకరణ జరుపుకుంటోంది’’ అని చిత్ర బృందం తెలియజేసింది.