Sai Dharam Tej: కోలుకున్న సాయితేజ్‌

రోడ్డు ప్రమాదంలో గాయపడి... చికిత్స పొందుతున్న యువ కథానాయకుడు సాయి తేజ్‌ కోలుకున్నారు. ప్రమాదం తర్వాత తొలిసారి ఆయన ట్వీట్‌ చేశారు. ‘‘నాపైన... నా సినిమా  ‘రిపబ్లిక్‌’పైన మీరు చూపిన ప్రేమ, ఆప్యాయత పట్ల నా కృతజ్ఞతను తెలియజేయడానికి థ్యాంక్స్‌ ఓ చిన్న పదం అవుతుంది’’ అంటూ తన బొటనవేలితో కూడిన ఫొటోని ట్వీట్‌ చేశారు సాయి తేజ్‌. అది చూసిన అభిమానులు, సినీ ప్రముఖులు స్పందించారు. త్వరగా కోలుకుని తిరిగి రావాలంటూ బదులిచ్చారు. సాయి తేజ్‌ కథానాయకుడిగా నటించిన ‘రిపబ్లిక్‌’ ఇటీవల విడుదలై విజయవంతంగా ప్రదర్శితమవుతున్న సంగతి తెలిసిందే.