Shahid Kapoor: షాహిద్‌.. ‘బ్లడీ డాడీ’

షాహిద్‌ కపూర్‌ వరుస చిత్రాలతో జోరు చూపిస్తున్నారు. ప్రస్తుతం ఆయన నటించిన ‘జెర్సీ’ విడుదలకు సిద్ధమవుతోంది. రాజ్‌ - డీకే దర్శకత్వంలో రూపొందుతోన్న వెబ్‌సిరీస్‌ నిర్మాణాంతర పనుల్లో ఉంది. ఇప్పుడాయన దర్శకుడు అలీ అబ్బాస్‌ జాఫర్‌తో కలిసి ఓ కొత్త చిత్రాన్ని పట్టాలెక్కించేందుకు సన్నాహాలు చేస్తున్నారు. ఫ్రెంచ్‌లో విజయవంతమైన ‘స్లీప్‌లెస్‌ నైట్స్‌’కు రీమేక్‌గా ఈ సినిమా రూపొందనున్నట్లు తెలుస్తోంది. ఇప్పుడీ చిత్రానికి ‘బ్లడీ డాడీ’ అనే టైటిల్‌ ఖరారు చేసినట్లు సమాచారం. అపహరణకు గురైన బిడ్డను రక్షించుకునేందుకు.. ఓ తండ్రి మాఫియాతో చేసే పోరాటమే ఈ చిత్ర ఇతివృత్తం. ఇందులో షాహిద్‌ ఆ తండ్రి పాత్రలోనే కనిపించనున్నారు. ఈ సినిమా వచ్చే ఏడాది ద్వితీయార్ధంలో ప్రేక్షకుల ముందుకు రానుంది.