నగుమోము తారలే.. తెగిరాలె నేలకే

ప్రభాస్‌, పూజా హెగ్డే జంటగా నటించిన ప్రేమకథా చిత్రం ‘రాధేశ్యామ్‌’. రాధాకృష్ణ కుమార్‌ తెరకెక్కించారు. గోపీకృష్ణ మూవీస్‌, యువీ క్రియేషన్స్‌ సంయుక్తంగా నిర్మించాయి. ఈ సినిమా సంక్రాంతి సందర్భంగా జనవరి 14న ప్రేక్షకుల ముందుకు రానుంది. ఈ నేపథ్యంలోనే గురువారం ఈ చిత్ర లవ్‌ ఆంథమ్‌ని విడుదల చేశారు. ‘‘నగుమోము తారలే.. తెగిరాలె నేలకే.. ఒకటైతే మీరిలా.. చూడాలనే. సగమాయే ప్రాయమే.. కదిలేను పాదమే’’ అంటూ వినసొంపుగా సాగుతున్న మెలోడీ పాటకు జస్టిన్‌ ప్రభాకరన్‌ స్వరాలు సమకూర్చగా.. కృష్ణకాంత్‌ సాహిత్యమందించారు. సిద్‌ శ్రీరామ్‌ ఆలపించారు. పాటలో ప్రభాస్‌.. పూజా హెగ్డేల జోడీ చూడముచ్చటగా కనిపించింది. పాట ఆరంభంలో ‘నేను రోమియోలా కాద’ని ప్రభాస్‌ చెప్పగా.. ‘కానీ, నేను జూలియట్‌నే.. నాతో ప్రేమలో పడితే చస్తావ్‌’’ అని పూజ రొమాంటిక్‌గా హెచ్చరించడం ఆకట్టుకుంది.