Updated : 04/12/2021 02:15 IST

అందరం కలిసి అభివృద్ధి చేసుకుందాం

- మంచు విష్ణు  

‘‘ప్రత్యేక రాష్ట్రం ఏర్పడినప్పటి నుంచి తెలంగాణ రాష్ట్ర ప్రభుత్వం అన్ని రంగాల అభివృద్ధి కోసం చర్యలు తీసుకొంటోంది. సినీ రంగాన్ని మరింత ముందుకు తీసుకెళ్లేందుకు శాయశక్తులా కృషి చేస్తాం’’ అన్నారు రాష్ట్ర సినిమాటోగ్రఫీ శాఖ మంత్రి తలసాని శ్రీనివాస్‌యాదవ్‌. ఆయన శుక్రవారం హైదరాబాద్‌లో జరిగిన తెలంగాణ ఫిల్మ్‌ ఛాంబర్‌ ఆఫ్‌ కామర్స్‌ నూతన కార్యవర్గ ప్రమాణ స్వీకార కార్యక్రమానికి ముఖ్య అతిథిగా హాజరయ్యారు. ‘మా’ అధ్యక్షుడు మంచు విష్ణు మరో అతిథిగా హాజరయ్యారు. ఈ సందర్భంగా మంత్రి మాట్లాడుతూ ‘‘కరోనా సమయంలో ప్రతాని ఆధ్వర్యంలో ఎన్నో సేవా కార్యక్రమాలు చేపట్టారు. చిత్ర పరిశ్రమ అభివృద్ధికి ప్రభుత్వం ద్వారా అన్ని రకాల సహాయ కార్యక్రమాల్ని అందజేస్తాం’’ అన్నారు. మంచు విష్ణు మాట్లాడుతూ ‘‘నేను ఈ వేడుకకి మా అధ్యక్షుడిగా రాలేదు. వ్యక్తిగతంగా హాజరయ్యా. సినిమా నటుల్లో ఆంధ్ర, తెలంగాణ అనే భేదం మాకు లేదు. మనమంతా తెలుగువాళ్లం, అందరం కలిసి పరిశ్రమని అభివృద్ధి చేసుకుందాం. ‘మా’ అధ్యక్షుడిగా నా విజయానికి ఎంతో సహకారం అందించారు ప్రతాని రామకృష్ణగౌడ్‌. ఆయన నాలుగోసారి తెలంగాణ ఫిల్మ్‌ ఛాంబర్‌ ఆఫ్‌ కామర్స్‌కి అధ్యక్షుడిగా ఎన్నికైనందుకు నా అభినందనలు తెలియజేస్తున్నా’’ అన్నారు. ‘‘పరిశ్రమకి మేలు చేయాలనే ఆలోచనతో ఏడు మంది సభ్యులతో తెలంగాణ ఛాంబర్‌ని ఏర్పాటు చేశాం. ఇప్పుడు ఇందులో 10 వేల మంది ఉన్నారు. ఇకపై సంస్థ నుంచి మరెన్నో కార్యక్రమాల్ని చేపడతాం’’ అన్నారు ప్రతాని. ఈ కార్యక్రమంలో టి.ఎఫ్‌.సి.సి.ఉపాధ్యక్షుడు గురురాజ్‌, కార్యదర్శి స్నిగ్ధతోపాటు సౌమ్యజాను, క్రిష్‌ తదితరులు పాల్గొన్నారు.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని