Published : 07 Dec 2021 01:58 IST

‘గమనం’తో నా కల నెరవేరింది

‘‘ఇన్ని సినిమాలు చేయాలని లెక్కలేసుకుంటూ వెళ్లడం నచ్చదు. వచ్చే పదేళ్లలో ఐదు సినిమాలు చేసినా సరే.. మంచివే చేయాలనుకుంటున్నాను’’ అన్నారు శివ కందుకూరి. నిర్మాత రాజ్‌ కందుకూరి వారసుడిగా ‘చూసీ చూడంగానే’ చిత్రంతో తెరపై మెరిసిన కథానాయకుడాయన. ఇప్పుడు రెండో సినిమాగా ‘గమనం’లో నటించారు. శ్రియ ప్రధాన పాత్రలో నటించిన ఈ చిత్రాన్ని సుజనా రావు తెరకెక్కించారు. ఈ సినిమా ఈనెల 10న విడుదల కానుంది. ఈ నేపథ్యంలోనే సోమవారం హైదరాబాద్‌లో విలేకర్లతో చిత్ర విశేషాలు పంచుకున్నారు శివ కందుకూరి.

‘‘గమనం’ నా కెరీర్‌లో ఎంతో ప్రత్యేకమైన సినిమా అవుతుంది. సుజన కథ చెప్పినప్పుడే నాకు బాగా నచ్చేసింది. ఈ కథ వింటున్నప్పుడు.. దీనికి ఇళయరాజా స్వరాలందిస్తారని, బాబా సర్‌ కెమెరామెన్‌ అని తెలియదు. నేనిందులో అలీ అనే ముస్లిం కుర్రాడిగా కనిపిస్తా. క్రికెటర్‌ కావాలనే లక్ష్యంతో జీవిస్తుంటా. అలాగే నాకొక ప్రేమకథ ఉంటుంది. నా ప్రేయసి జారాగా ప్రియాంక కనిపిస్తుంది’’.

* ‘‘ఈ సినిమాతో చారు హాసన్‌ లాంటి సీనియర్‌ నటుడితో కలిసి పని చేసే అవకాశం దొరికింది. అది నా అదృష్టం’’.

* ‘‘నేను చేసే ప్రతి సినిమా కథను మా నాన్నతో తప్పకుండా చర్చిస్తాను. కానీ, అది చేయాలా? వద్దా? అన్న నిర్ణయం నా మీదే వదిలేస్తారు. ఏ కథైనా సరే.. నా మనసుకు కనెక్ట్‌ అయితేనే చేస్తాను. పెద్ద విజయాలు సాధించిన చిత్రాలు కూడా కొన్ని రోజులే గుర్తుంటాయి. సినిమాలోని ఎమోషన్‌ సరిగ్గా కనెక్ట్‌ అయితే మాత్రం అవి మరింత ఎక్కువ కాలం గుర్తుండిపోతాయి. నాకలా ఎమోషన్‌ కనెక్ట్‌ కాకపోతే సినిమాలు చేయలేను. ప్రస్తుతం నేను ‘మను చరిత్ర’ అనే చిత్రం చేస్తున్నా. నాని నిర్మాణంలో రూపొందుతోన్న ‘మీట్‌ క్యూట్‌’ వెబ్‌సిరీస్‌లోనూ చేస్తున్నా. అందులో అదా శర్మకు జోడీగా కనిపిస్తా. అలాగే మరో రెండు చిత్రాలకు సంతకాలు చేశా’’.

* ‘‘ఈ చిత్రం కోసం నేను  క్రికెట్‌లో ట్రైనింగ్‌ తీసుకున్నాను. నిజానికి ఇండియాలో ఉన్నప్పుడు క్రికెట్‌ బాగానే  ఆడేవాణ్ని. కానీ, చదువుల కోసం యూఎస్‌కు వెళ్లాక ప్రాక్టీస్‌ పోయింది. అందుకే ఈ సినిమా కోసం మళ్లీ శిక్షణ తీసుకున్నా. ఇళయరాజా సర్‌తో పని చేసే అవకాశమొస్తుందని కలలో కూడా అనుకోలేదు. అది అసాధ్యమనుకున్నా. కానీ, ఆ కల ఈ చిత్రంతో నెరవేరింది. ఆయన తన నేపథ్య సంగీతంతో ఈ చిత్రాన్ని మరోస్థాయికి తీసుకెళ్లారు. సినిమాలో అండర్‌ వాటర్‌లో కొన్ని సీన్స్‌ ఉంటాయి. వాటిని జ్ఞానశేఖర్‌ సర్‌ విజువల్‌గా ఎంతో  అద్భుతంగా తీశారు’’.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్